ଯଦି ସିନ୍ଦେଙ୍କୁ ସମର୍ଥନ ଆବଶ୍ୟକ ପଡେ ଆମେ ଦେବାକୁ ପ୍ରସ୍ତୁତ ଅଛୁ: କେନ୍ଦ୍ର ମନ୍ତ୍ରୀ ରାମଦାସ
ମୁମ୍ବାଇ: କେନ୍ଦ୍ର ମନ୍ତ୍ରୀ ରାମଦାସ ଆଥୱାଲେ ଆଜି ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ଭେଟିଛନ୍ତି। ଆଉ ଆଥାୱାଲେ କହିଛନ୍ତି ଯେ ଯଦି ଏକନାଥ ଅସୁବିଧାରେ ପଡ଼ନ୍ତି ତେବେ ରିପବ୍ଲିକାନ୍ ପାର୍ଟି ଅଫ୍ ଇଣ୍ଡିଆ (ଆରପିଆଇ) ସିନ୍ଦେଙ୍କୁ ସମର୍ଥନ କରିବ। ଆରପିଆଇ ମୁଖ୍ୟ କହିଛନ୍ତି, ‘ଏକନାଥଙ୍କ ସପକ୍ଷରେ ଶିବସେନା ବିଧାୟକଙ୍କର ଏକ ବଡ଼ ଗୋଷ୍ଠୀ ଅଛନ୍ତି। ଏକନାଥ ସିନ୍ଦେଙ୍କୁ ସୁରକ୍ଷା ଦିଆଯାଉ।”ଆଥାୱାଲେ କହିଛନ୍ତି ଯେ ମୁଁ ଦେବେନ୍ଦ୍ର ଫଡନାଭିସଙ୍କ ସହ କଥା ହୋଇଛି, ସେ କହିଛନ୍ତି ଯେ ଶିବସେନାରେ ବିବାଦ ସହ ଆମର କୌଣସି ସମ୍ପର୍କ ନାହିଁ। ଉଦ୍ଧବ ଠାକରେ ଏବଂ ଏକନାଥ ସିନ୍ଦେ ନିଜ ମଧ୍ୟରେ ବିବାଦର ସମାଧାନ କରିବେ, ଆମର ଏହା ସହ କୌଣସି ସମ୍ପର୍କ ନାହିଁ | ଆମେ ଅପେକ୍ଷା କରି ଦେଖୁଛୁ |
Sambad is now on WhatsApp
Join and get latest news updates delivered to you via WhatsApp
ଶିବସେନାକୁ ଟାର୍ଗେଟ କରି ଆଥାୱାଲେ କହିଛନ୍ତି, “ଆପଣ ଭାବୁଥିବେ ବିଧାୟକମାନେ ଆପଣଙ୍କ ନିକଟକୁ ଆସିବେ। ଯେତେବେଳେ ସେମାନଙ୍କର ଇଚ୍ଛା ହେବ, ସେତେବେଳେ ଆସିବେ | କିନ୍ତୁ ସେପର୍ଯ୍ୟନ୍ତ, ଧମକ ଦିଅନ୍ତୁ ନାହିଁ … ଯଦି ଏକନାଥ ସିନ୍ଦେ ଅସୁବିଧାରେ ପଡ଼ନ୍ତି, ତେବେ ତାଙ୍କ ପାଖରେ ଆରପିଆଇ ଅଛି । ” କେନ୍ଦ୍ର ମନ୍ତ୍ରୀ ରାମଦାସ ଆଥାୱାଲେ କହିଛନ୍ତି, “ଆମେ ସରକାର ଗଠନ କରିବାକୁ ଚିନ୍ତା କରିନାହୁଁ। ଆମେ ଦେଖିବୁ ଭବିଷ୍ୟତରେ କଣ ଘଟିବ । ଶରଦ ପାୱାର, ଅଜିତ ପାୱାର, ଉଦ୍ଧବ ଠାକରେ, ସଞ୍ଜୟ ରାଉତ କହିଛନ୍ତି ଯେ ସେମାନେ ସଂଖ୍ୟାଗରିଷ୍ଠତା ଦେଖାଇବେ। ଏତେମାତ୍ରାରେ ବିଧାୟକ ତୁମକୁ ଛାଡିସାରିଛନ୍ତି | ଶିବସେନାର ୩୭ ଜଣ ଏବଂ ୭ ରୁ ୮ ଜଣ ସ୍ୱାଧୀନ ବିଧାୟକ ତୁମ(ଉଦ୍ଧବ) ସହ ଆଉ ନାହାନ୍ତି |