ବିରାଡ଼ିମାନଙ୍କ ଉତ୍ପାତକୁ ନେଇ ଚିନ୍ତିତ କର୍ଣ୍ଣାଟକର ରାଜ୍ୟପାଳ
ବେଙ୍ଗଲୁରୁ: କର୍ଣ୍ଣାଟକର ରାଜ୍ୟପାଳ ବିରାଡ଼ିମାନଙ୍କ ଉତ୍ପାତକୁ ନେଇ ବ୍ୟତିବ୍ୟସ୍ତ ହୋଇ ଉଠିଛନ୍ତି। ଏପରିକି ରାଜଭବନରେ କାର୍ଯ୍ୟରତ କର୍ମଚାରୀମାନେ ବି ବ୍ୟତିବ୍ୟସ୍ତ ହୋଇଉଠିଛନ୍ତି। କୁହାଯାଉଛି ଯେ ଏବେ କର୍ଣ୍ଣାଟକ ରାଜଭବନରେ ପ୍ରାୟ ୩୦ଟି ବିରାଡ଼ି ଅଛନ୍ତି। ଏମାନଙ୍କୁ ରାଜଭବନରୁ ବିଦା କରିବା ଲାଗି କର୍ମଚାରୀମାନେ ଯେତେ ଚେଷ୍ଟା କଲେ ବି ବିଫଳ ହେବା ପରେ ଅବଶେଷରେ ବେଙ୍ଗଲୁରୁ ନଗର ନିଗମର ସହାୟତା ଲୋଡିଲେ କର୍ଣ୍ଣାଟକର ରାଜ୍ୟପାଳ ।
Sambad is now on WhatsApp
Join and get latest news updates delivered to you via WhatsApp
ଏହାପରେ ବେଙ୍ଗଲୁରୁ ନଗର ନିଗମ ଏକ ବେସରକାରୀ ସଂସ୍ଥାକୁ ବିରାଡିମାନଙ୍କୁ ଧରିବାର ଠିକା ଦେଇଥିବା ଜଣାଯାଇଛି। ଏଥିପାଇଁ ୧ ଲକ୍ଷ ଟଙ୍କାକୁ ସଂସ୍ଥାକୁ ଦିଆଯିବ। ମହାନଗର ପାଳିକାର କମିସନର୍ ଏ ମଂଜୁନାଥ ପ୍ରସାଦ କହିଛନ୍ତି ଯେ ଯଦି ବିରାଡିମାନଙ୍କୁ ଧରିବା ଲାଗି ଅଧିକ ଟଙ୍କା ଲାଗିବ,ତେବେ ଟେଣ୍ଡର ବାତିଲ କରାଯାଇ ନୂଆ ଠିକା ବ୍ୟବସ୍ଥା କରାଯିବ।ମିଳିଥିବା ସୂଚନା ଅନୁଯାୟୀ ଏହି କାମଲାଗି ସଂସ୍ଥା ପ୍ରାୟ ଏକ ମାସ ସମୟ ନେବ। କେବେ ବିରାଡ଼ିମାନଙ୍କୁ ଧରାଯାଉଛି ଏବଂ କର୍ଣ୍ଣାଟକର ରାଜ୍ୟପାଳଙ୍କ ମୁଣ୍ଡବଥା କମୁଛି , ତାହା ଦେଖିବାକୁ ବାକି ରହିଲା।