ଆୟକର ବିଭାଗର ନଜରରେ ଶଶିକଳାଙ୍କ ସଂପତ୍ତି, ପୁଣି ଜବତ କଲା ୨ ହଜାର କୋଟିର ମୂଲ୍ୟବାନ ଜମି
ଚେନ୍ନାଇ: ଆୟକର ବିଭାଗ ବୁଧବାର ଦିନ ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ସହଯୋଗୀ ଶଶିକଳାଙ୍କର ୨ ହଜାର କୋଟି ଟଙ୍କାର ସଂପତ୍ତି ଜବତ୍ କରିଛି । ତାମିଲନାଡୁର କୋଡାନାଡ ଓ ସିରୁଆଥାବର ଅଞ୍ଚଳରୁ ଏହି ସଂପତ୍ତି ଜବତ କରାଯାଇଛି । ଆୟକର ବିଭାଗର ଜଣେ କର୍ମଚାରୀ କହିଛନ୍ତି କି ଏହାକୁ ମିଶାଇ ଶଶିକଳାଙ୍କର ମୋଟ ୨ ହଜାର କୋଟିର ସଂପତ୍ତି ଜବତ୍ ହୋଇସାରିଲାଣି । କେଉଁଠୁ କେତେ ସଂପତ୍ତି ଜବତ୍ ହୋଇଛି ତାର ସଂପୂର୍ଣ୍ଣ ତଥ୍ୟ ଆୟକର ବିଭାଗ ଦେଇ ନଥିବା ବେଳେ ପୂର୍ବମାସ ୩ ଶହ କୋଟି ଟଙ୍କାର ସଂପତ୍ତି ଜବତ ହୋଇଥିବା ସୂଚନା ମିଳିଥିଲା ।
Sambad is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ସୂତ୍ର ମୁତାବକ ଜବତ ହୋଇଥିବା ସଂପତ୍ତି ମଧ୍ୟରେ ରହିଛି ଜୟଲଳିତାଙ୍କ ବେଦ ନିଲୟମ୍ ନିକଟରେ ଥିବା ଜମି । ଯେଉଁ ଜମି ଉପରେ ଶ୍ରୀହରି ଇଷ୍ଟେଟ୍ ପ୍ରାଇଭେଟ୍ ଲିମିଟେଡ ତିଆରି ହୋଇଥିଲା କୋଠା । ଏହାର ନିର୍ଦ୍ଦେଶକ ଶଶିକଳାଙ୍କ ସଂପର୍କୀୟ ଥିଲେ ବୋଲି ଜଣାପଡିଛି । ଜମି ଜବତ ପରେ ଆୟକର ଅଧିକାରୀ କହିଛନ୍ତି କି କମ୍ପାନି ପାଖରେ ନା ଥିଲା କିଛି ବ୍ୟବସାୟ ନା କୌଣସି ଅର୍ଥ କାରବାର ।
ପୂର୍ବ ବର୍ଷ ବି ଶଶିକଳାଙ୍କର ୧୫ ଶହ କୋଟିର ସଂପତ୍ତି ଜବତ କରିଥିଲା ଆୟକର ବିଭାଗ । ଜବତ ହୋଇଥିବା ସଂପତ୍ତି ଶଶିକଳା ଓ ତାଙ୍କ ସଂପର୍କୀୟଙ୍କ ନାମରେ ରହିଥିଲା । ଏହି ସଂପତ୍ତିକୁ ବେନାମୀ ଅଧିନିୟମ ଅଧିନରେ ଜବତ୍ କରାଯାଇଥିଲା । ଚେନ୍ନାଇ, କୋଇମ୍ବାଟୁର, ପୁଡୁଚେରୀ ଏବଂ ତାମିଲନାଡୁର ବିଭିନ୍ନ ସ୍ଥାନରେ ଥିବା ଏହି ସଂପତ୍ତିକୁ ଶଶିକଳା କିମ୍ବା ତାଙ୍କ ସଂପର୍କୀୟ ସରକାରଙ୍କୁ ଦେଇଥିବା ସଂପତ୍ତି ତାଲିକାରେ ନ ଥିଲା ।