ଜଳ ଜୀବନ ମିସନ୍ରେ ଓଡ଼ିଶାକୁ ୮୧୨ କୋଟି
ନୂଆଦିଲ୍ଲୀ : ଦେଶର ପ୍ରତ୍ୟେକ ଗ୍ରାମୀଣ ଘରେ ନିୟମିତ ଓ ଦୀର୍ଘକାଳୀନ ଯୋଜନାରେ ବିଶୁଦ୍ଧ ପାନୀୟ ଜଳ ଉପଲବ୍ଧ କରାଇବା ଉଦ୍ଦେଶ୍ୟରେ କେନ୍ଦ୍ର ସରକାର ଆରମ୍ଭ କରିଥିବା ‘ଜଳ ଜୀବନ ମିସନ୍’ରେ ଓଡ଼ିଶାକୁ ୨୦୨୦-୨୧ ପାଇଁ ୮୨୧ କୋଟି ଟଙ୍କା ମଂଜୁର କରିଛନ୍ତି। ୨୦୨୪ ସୁଦ୍ଧା ପ୍ରତ୍ୟେକ ଘରକୁ ନଳ ପାଣି ଉପଲବ୍ଧ କରାଇବା ଉଦ୍ଦେଶ୍ୟରେ କେନ୍ଦ୍ର ସରକାର ଦେଶବ୍ୟାପୀ ଜଳ ଜୀବନ ମିସନର କ୍ରିୟାନ୍ବୟନ ପାଇଁ ୩.୬୦ ଲକ୍ଷ କୋଟି ଟଙ୍କାର ବ୍ୟୟବରାଦ ରଖିଛନ୍ତି। କେନ୍ଦ୍ର-ରାଜ୍ୟ ସହଭାଗିତାରେ ଏହି ପ୍ରକଳ୍ପ କାର୍ଯ୍ୟକାରୀ ହେଉଥିବାରୁ କେନ୍ଦ୍ର ସରକାର ଏ ବାବଦରେ ୨.୦୮ ଲକ୍ଷ କୋଟି ଓ ରାଜ୍ୟ ସରକାରମାନେ ୧.୫୨ ଲକ୍ଷ କୋଟି ଟଙ୍କା ଖର୍ଚ୍ଚ କରିବେ।
ଗତବର୍ଷ ଓଡ଼ିଶାକୁ ଏହି ଯୋଜନାରେ ୨୯୭ କୋଟି ଟଙ୍କା ଆବଣ୍ଟନ କରାଯାଇଥିଲା। ତେଣୁ ଗତବର୍ଷ ତୁଳନାରେ ଚଳିତବର୍ଷ ଏହି ଯୋଜନାରେ ଓଡ଼ିଶାକୁ ଅଧିକ ଅର୍ଥ ପ୍ରଦାନ କରାଯାଇଛି। ରାଜ୍ୟର ୮୧ ଲକ୍ଷ ଗ୍ରାମୀଣ ପରିବାରରୁ ରାଜ୍ୟ ସରକାର ୧୬.୨୧ ଲକ୍ଷ ପରିବାରକୁ ୨୦୨୦-୨୧ରେ ଜଳ ସଂଯୋଗ ସୁବିଧା ପ୍ରଦାନ ଯୋଜନା ରଖିଛନ୍ତି। ୨୦୨୪ ସୁଦ୍ଧା ଶତ ପ୍ରତିଶତ ପରିବାରକୁ ପାଣି ଟ୍ୟାପ୍ ସଂଯୋଗ ଯୋଗାଇ ଦେବାର ଯୋଜନା ରାଜ୍ୟ ସରକାର ରଖିଛନ୍ତି।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |
Comments are closed.