ଆରଏସଏସ ମୁଖପତ୍ର ଅର୍ଗାନାଇଜରରେ ଚୀନକୁ ଚେତାବନୀ, ତିଆନାମେନ ଗଣହତ୍ୟାକୁ ସ୍ମରଣ କରାଇଲା
ନାଗପୁର : ସୀମା ବିବାଦକୁ ନେଇ ଲଦାଖ ଓ ସିକ୍କିମରେ ଭାରତ ଓ ଚୀନ ସେନା ମୁହାଁମୁହିଁ ଥିବାବେଳେ ଦୁଇ ଦେଶ ପରସ୍ପର ଉପରେ ମନସ୍ତାତ୍ତ୍ୱିକ ଚାପ ପକାଇଚାଲିଛନ୍ତି । ଏହି ଚାପ ପକାଉଛନ୍ତି ଦୁଇ ଦେଶରେ ଶାସନରେ ଥିବା ଦଳ ଦ୍ବାରା ନିୟନ୍ତ୍ରିତ ମୁଖପତ୍ର ।
Sambad is now on WhatsApp
Join and get latest news updates delivered to you via WhatsApp
ଚୀନର କମୁନିଷ୍ଟ ପାର୍ଟିର ମୁଖପତ୍ର ଗ୍ଲୋବାଲ ଟାଇମ୍ସ ଗତ କିଛି ଦିନ ଧରି ଭାରତ ବିରୋଧୀ ଲେଖା ଲେଖି ଭାରତ ଉପରେ ଚାପ ସ୍ଷ୍ଟି କରିଚାଲିଛି । ଯେବେବି ଦୁଇଦେଶ ମଧ୍ୟରେ ସୀମା ବିବାଦ ଦେଖାଦିଏ ସେତେବେଳେ ଗ୍ଲୋବାଲ ଟାଇମ୍ସ ଭାରତକୁ ଭୟଭୀତ କରିବା ପାଇଁ ବିଭିନ୍ନ ପ୍ରକାରର ଲେଖା ଲେଖିଥାଏ । ତେବେ ଭାରତ ପକ୍ଷରୁ କେବେ ବି ଏହା ଉପରେ ପ୍ରତିକ୍ରିୟା ବା ଜବାବ ଦିଆଯାଏ ନାହିଁ । ଏଥର ବି ଭାରତ ସରକାରଙ୍କ ପକ୍ଷରୁ କୌଣସି ସରକାରୀ ଜବାବ ଦିଆଯାଇନାହିଁ । କିନ୍ତୁ କେନ୍ଦ୍ରରେ ଶାସନାଧୀନ ବିଜେପିର ମୂଳ ସଂଗଠନ ଆରଏସଏସର ମୁଖପତ୍ର ଅର୍ଗାନାଇଜରରେ ଚୀନ ବିରୋଧୀ ଲେଖା ପ୍ରକାଶିତ ହୋଇଛି ।
ଚୀନର ତିଆନାମେନ ଛକ ଗଣହତ୍ୟା ସଂପର୍କିତ ଏକ ଫଟୋ ନିଜର ପ୍ରଚ୍ଛଦରେ ସ୍ଥାନ ଦେଇ ଚୀନର ଏକଛତ୍ରବାଦୀ ଓ ଅମାନବୀୟ ଦମନମୂଳକ ନୀତିକୁ ତୀବ୍ର ସମାଲୋଚନା କରାଯାଇଛି । ଏହି ରିପୋର୍ଟରେ କୁହାଯାଇଛି ଯେ ୧୯୮୯ ତିଆନାମେନ ଘଟଣାବେଳେ ଯେପରି ସମଗ୍ର ବିଶ୍ବରେ ଚୀନ ବିରୋଧୀ ହାୱା ସୃଷ୍ଟି ହୋଇଥିଲା ଏବେ ତାଠାରୁ ଅଧିକ ଚୀନ ବିରୋଧୀ ହାୱା ଚାଲିଛି । ତିଆନାମେନ ସହ ହଂକଂ,ତିବତ ଓ ଉହାନରେ ଚୀନ ସରକାରଙ୍କ ପକ୍ଷରୁ ହୋଇଥିବା ଦମନ ତୁଳନୀୟ ବୋଲି । ଏବେ ସମଗ୍ର ଚୀନ ଭିତରେ ମଧ୍ୟ ଅସନ୍ତୋଷର ବହ୍ନି କୁହୁଳୁଛି ବୋଲି ଏହି ରିପୋର୍ଟରେ କୁହାଯାଇଛି ।