ନୂଆଦିଲ୍ଲୀ: ଏଣିକି ରାଷ୍ଟ୍ରୀୟ ସ୍ୱୟଂ ସେବକ ସଂଘ ବା ଆରଏସଏସ ଦେଶର ସୈନିକ ପ୍ରସ୍ତୁତ କରିବାରେ ସାହାଯ୍ୟ କରିବ | ଏଥିପାଇଁ ଆରଏସଏସ ପକ୍ଷରୁ ଏକ ସ୍କୁଲ ଆରମ୍ଭ କରାଯିବା ନେଇ ଯୋଜନା ପ୍ରସ୍ତୁତ କରାଯାଇଛି | ଏହି ସ୍କୁଲର ପରିଚାଳନା ବିଦ୍ୟାଭାରତୀ ପକ୍ଷରୁ କରାଯିବ | ସେହିପରି ସ୍କୁଲର ନାମ ପୂର୍ବତନ ସରସଂଘ ଚାଳକ ରାଜେନ୍ଦ୍ର ସିଂ ଓରଫ ରଜ୍ଜୁ ଭୈୟାଙ୍କ ନାମରେ ନାମିତ ହେବ |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ରଜ୍ଜୁ ଭୈୟା ସୈନିକ ବିଦ୍ୟା ମନ୍ଦିର ନାମରେ ଉତ୍ତରପ୍ରଦେଶର ବୁଲନ୍ଦସହରରେ ଏହି ସ୍କୁଲ ସ୍ଥାପନ କରାଯିବ | ଏଠାରେ ପିଲାମାନଙ୍କୁ ପାଠ ପଢ଼ାଯିବା ସହିତ ଭବିଷ୍ୟତରେ କିଭଳି ସଫଳ ସୈନିକ ହୋଇପାରିବେ ତାହା ବାବଦରେ ଶିକ୍ଷା ଦିଆଯିବ | ଏଠାରେ ସିବିଏସଇ ପାଠ୍ୟକ୍ରମରେ ପଢ଼ାଯିବା ସହ ଆସନ୍ତା ବର୍ଷ ଏପ୍ରିଲରୁ ପାଠପଢା ଆରମ୍ଭ କରାଯିବ |
ପ୍ରଥମ ପର୍ଯ୍ୟାୟରେ ୧୬୦ ଜଣ ପିଲାଙ୍କ ପାଇଁ ବ୍ୟବସ୍ଥା କରାଯାଇଥିବାବେଳେ ଦେଶର ଅନ୍ୟ ସ୍ଥାନରେ ମଧ୍ୟ ସ୍କୁଲ ପ୍ରତିଷ୍ଠା କରାଯିବ |ଅବସର ନେଇଥିବା ସୈନିକମାନେ ଏଠାରେ ଶିକ୍ଷାଦାନ ଦେବାକୁ ଥିବାବେଳେ ଷଷ୍ଠ ଶ୍ରେଣୀରୁ ଦ୍ୱାଦଶ ଶ୍ରେଣୀ ଯାଏଁ ଏଠାରେ ପିଲାମାନେ ପଢିପାରିବେ |