କ୍ରାଇମିଆ ନୌସେନା ‘ଡ୍ରୋନ୍‌’ ଆକ୍ରମଣରେ ଇଂଲଣ୍ଡ୍‌ ସମ୍ପୃକ୍ତ ଥିବା କଥା ଅଭିଯୋଗ କଲା ରୁଷ୍‌

ନୂଆଦିଲ୍ଲୀ: କ୍ରାଇମିଆରେ କରାଯାଇଥିବା ‘ଡ୍ରୋନ୍‌’ ନିକ୍ଷେପ ଉଦ୍ୟମରେ ବ୍ରିଟେନ୍‌ ସମ୍ପୃକ୍ତ ଥିବା କଥା ରୁଷ୍‌ ଅଭିଯୋଗ କରିଛି।

ରୁଷ୍‌ର ପ୍ରତିରକ୍ଷା ମନ୍ତ୍ରାଳୟ ଅଭିଯୋଗ କରିଛି ଯେ, ୟୁକ୍ରେନ୍‌ ବିଫଳପ୍ରଯତ୍ନ ହୋଇଥିବା ‘ଡ୍ରୋନ୍‌’ ଆକ୍ରମଣ ଉଦ୍ୟମରେ ଇଂଲଣ୍ଡ୍‌ ତାଲିମ ଦେଇଥିଲା ଓ ନିକ୍ଷେପଣର ତଦାରଖ ମଧ୍ୟ କରିଥିଲା।

ଏ ସଂକ୍ରାନ୍ତରେ ଜାରି କରିଥିବା ବିବୃତିରେ ରୁଷ୍‌ର ପ୍ରତିରକ୍ଷା ମନ୍ତ୍ରାଳୟ କହିଛି, କୃଷ୍ଣ ସାଗର ଯୁଦ୍ଧପୋତସମୂହ ଓ ସେଭାସ୍ତୋପୋଲ୍‌ ଘାଟିର ବାହ୍ୟ ଓ ଅଭ୍ୟନ୍ତର ମାର୍ଗରେ ଥିବା ବେସାମରିକ ଜାହାଜଗୁଡ଼ିକ ଉପରେ କିବ୍ ଆତଙ୍କବାଦୀ ଆକ୍ରମଣ କରିଥିଲା। ଉକ୍ତ ଆକ୍ରମଣରେ ୯ଟି ଡ୍ରୋନ୍‌ ଏବଂ ୭ଟି ସ୍ବୟଂକ୍ରିୟ ସାମୁଦ୍ରିକ ଡ୍ରୋନ୍‌ ସମ୍ପୃକ୍ତ ଥିଲା।

Image Courtesy of NDTV

ଶନିବାର ପ୍ରତ୍ୟୁଷରେ ସଂଗଠିତ ଆକ୍ରମଣରେ ସେଗୁଡ଼ିକୁ ଧ୍ବଂସ କରି ଦେଇଛି ବୋଲି ରୁଷ୍‌ ଘୋଷଣା କରିଛି।

ଏହି ଆତଙ୍କବାଦ କାଣ୍ଡର ପ୍ରସ୍ତୁତି ଓ ୭୩ତମ ‘ମେରାଇନ୍‌ ସ୍ପେସାଲ୍‌ ଅପରେସନ୍‌ ସେଣ୍ଟର୍‌’ର ସାମରିକ କର୍ମଚାରୀମାନଙ୍କର ତାଲିମ ବ୍ରିଟିସ୍‌ ବିଶେଷଜ୍ଞମାନଙ୍କ ତତ୍ତ୍ବାବଧାନରେ କରାଯାଇଥିଲା ବୋଲି ଉକ୍ତ ବିବୃତିରେ ଉଲ୍ଲେଖ ଅଛି।

କିନ୍ତୁ, ଏ ଅଭିଯୋଗ ସଂକ୍ରାନ୍ତରେ ବ୍ରିଟେନ୍‌ ଏପର୍ଯ୍ୟନ୍ତ ପ୍ରତ୍ୟୁତ୍ତର ଦେଇନାହିଁ।

ସେପ୍ଟେମ୍ବର ୨୬ରେ ବାଲ୍‌ଟିକ୍‌ ସାଗରରେ ବିସ୍ଫୋରଣ କରି ‘ନର୍ଡ ଷ୍ଟ୍ରିମ୍‌ ୧’ ଓ ‘ନର୍ଡ ଷ୍ଟ୍ରିମ୍‌ ୨’ ଗ୍ୟାସ୍‌ ପାଇପ୍‌ଲାଇନ୍‌ ଧ୍ବଂସ କରିଦେବା ନିମନ୍ତେ କରାଯାଇଥିବା ଷଡ଼ଯନ୍ତ୍ର ଓ ଆକ୍ରମଣ ଆୟୋଜନରେ ମଧ୍ୟ ବ୍ରିଟିସ୍‌ ନୌସେନାର ପ୍ରତିନିଧିମାନେ ସମ୍ପୃକ୍ତ ଥିଲେ ବୋଲି ରୁ‌ଷ୍‌ ଅଭିଯୋଗ କରିଛି।