ମସ୍କୋ : ୟୁକ୍ରେନ ରାଜଧାନୀ କିବ୍ ଉପରେ ହୋଇଥିବା ଘନ ଘନ କ୍ଷେପଣାସ୍ତ୍ର ମାଡ଼ ଫଳରେ ସେଠାରେ ବ୍ୟାପକ କ୍ଷୟକ୍ଷତି ହୋଇଛି । ସହରରୁ ବିଦ୍ୟୁତ ସରବରାହ ବନ୍ଦ ହୋଇଯାଇଛି । ଏହି ଆକ୍ରମଣ ପାଇଁ ୟୁକ୍ରେନ ସମେତ ପାଶ୍ଚାତ୍ୟ ଦେଶ ରୁଷକୁ ଦାୟୀ କରୁଥିବାବେଳେ ରୁଷ ଅଲଗା କଥା କହିଛି ।
Sambad is now on WhatsApp
Join and get latest news updates delivered to you via WhatsApp
ରୁଷ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ତାଙ୍କ ସେନା ପକ୍ଷରୁ କିବ ଉପରେ ଗୋଟିଏ ବି କ୍ଷେପଣାସ୍ତ୍ର ମାଡ଼ କରାଯାଇନାହିଁ । ବରଂ ୟୁକ୍ରେନ ଓ କେତେକ ବିଦେଶୀ ଏୟାର ଡିଫେନ୍ସ ସିଷ୍ଟମରୁ ନିକ୍ଷେପ ହୋଇଥିବା କ୍ଷେପଣାସ୍ତ୍ର ଯୋଗୁଁ ଏହି କ୍ଷତି ହୋଇଛି ।
ଏହି କ୍ଷେପଣାସ୍ତ୍ର ଆକ୍ରମଣ ପରେ ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନସ୍କି ଏବଂ ଅନ୍ୟ କ୍ୟାବିନେଟ ମନ୍ତ୍ରୀମାନେ କହିଥିଲେ ଯେ କିବର ବିଭିନ୍ନ ସ୍ଥାନରେ ବିଦ୍ୟୁତ ଫେରି ପାଇବାର ଉଦ୍ୟମ ନୂଆ କ୍ଷେପଣାସ୍ତ୍ର ଆକ୍ରମଣ ଦ୍ୱାରା ଗୁରୁତର ଭାବରେ ପ୍ରଭାବିତ ହୋଇଛି । ଏହି କ୍ଷେପଣାସ୍ତ୍ର ଆକ୍ରମଣରେ ୩ ଜଣ ନିହତ ହୋଇଛନ୍ତି ।
ଅନ୍ୟପକ୍ଷରେ କିବ୍ର ମେୟର କହିଛନ୍ତି ଯେ “ରାଜଧାନୀର ସତୁରି ପ୍ରତିଶତ ଅଂଚଳ ବିନା ବିଦ୍ୟୁତରେ ରହିଛି । ଶକ୍ତି କମ୍ପାନୀଗୁଡିକ ଯଥାଶୀଘ୍ର ବିଦ୍ୟୁତ ସରବରାହ ଆରମ୍ଭ କରିବାକୁ ସମସ୍ତ ପ୍ରୟାସ କରୁଛନ୍ତି ।