“ଜମ୍ମୁ ଓ କଶ୍ମୀର ଭାରତର ଅବିଚ୍ଛେଦ୍ୟ ଅଙ୍ଗ” -କଶ୍ମୀର ପ୍ରସଙ୍ଗରେ ଭାରତକୁ ଦୃଢ ସମର୍ଥନ ଜଣାଇଲା ଋଷିଆ
ନୂଆଦିଲ୍ଲୀ : କଶ୍ମୀର ପ୍ରସଙ୍ଗରେ ଭାରତକୁ ଦୃଢ ସମର୍ଥନ ଜଣାଇଛି ଋଷିଆ । ଭାରତରେ ଥିବା ଋଷିଆ ଦୂତାବାସର ଉପମୁଖ୍ୟ ରୋମାନ ବାବୁସକ୍ିନ କହିଛନ୍ତି ଯେ ଜମ୍ମୁ ଓ କଶ୍ମୀରରୁ ଧାରା ୩୭୦ ଉଠାଇବା ଭାରତର ଆଭ୍ୟନ୍ତରୀଣ ବ୍ୟାପାର । ସେ ମଧ୍ୟ କହିଛନ୍ତି ଯେ କଶ୍ମୀର ଭାରତର ଅବିଚ୍ଛେଦ୍ୟ ଅଙ୍ଗ ଓ ଭାରତ ଓ ପାକିସ୍ତାନ ମଧ୍ୟରେ ଥିବା ବିବାଦକୁ ଦୁଇଦେଶ ସିମଳା ରାଜିନାମା ଓ ଲାହୋର ଘୋଷଣାପତ୍ର ଅନୁସାରେ ଦ୍ୱିପାକ୍ଷିକ ଆଲୋଚନା ମଧ୍ୟରେ ସମାଧାନ କରିବେ । ଏଥିରେ ଅନ୍ୟ କୌଣସି ଦେଶର କୌଣସି ଭୂମିକା ନାହିଁ ।
Sambad is now on WhatsApp
Join and get latest news updates delivered to you via WhatsApp
ଗତ ଅଗଷ୍ଟ ୧୬ରେ ହୋଇଥିବା ଜାତିସଂଘ ସୁରକ୍ଷା ବୈଠକ ପରେ ଋଷିଆ ପକ୍ଷରୁ ଜାରି ଏକ ବକ୍ତବ୍ୟକୁ ନେଇ ବିବାଦ ଦେଖାଦେଇଥିଲା । ଜାତିସଂଘରେ ଅବସ୍ଥାପିତ ଋଷିଆର ସ୍ଥାୟୀ ଉପ-ପ୍ରତିନିଧି ଡେମିଟ୍ରି ପୋଲିସ୍କି କହିଥିଲେ ଯେ ଭାରତ ପାକିସ୍ତାନ ସିମଳା ରାଜିନାମା ଓ ଲାହୋର ଘୋଷଣାପତ୍ର ଏବଂ ୟୁଏନ ଚାର୍ଟର ମାଧ୍ୟମରେ କରିବା ଆବଶ୍ୟକ । ତେବେ ୟୁଏନ ଚାର୍ଟର (ଜାତିସଂଘ ନିୟମ) କଥା ଉଲ୍ଲେଖ ଥିବାରୁ ଭାରତ ତାହାର ବିରୋଧ କରିଥିଲା । ଏହି ସଂଦେହ ଦୂର ପାଇଁ ଋଷିଆ ପକ୍ଷରୁ ଆଜିର ବକ୍ତବ୍ୟ ଜାରି ହୋଇଛି ।