ଭାରତକୁ ଅସନ୍ତୁଷ୍ଟ କରିବାକୁ ଚାହୁଁନି ଋଷିଆ, ୫୦ ହଜାର କାଲାସନିକୋଭ ରାଇଫଲ ଖରିଦ ଲାଗି ପାକିସ୍ତାନର ଅର୍ଡରକୁ ପ୍ରତ୍ୟାଖ୍ୟାନ କଲା
ନୂଆଦିଲ୍ଲୀ : ଋଷିଆରୁ ପ୍ରାୟ ୫୦ ହଜାର କାଲାସନିକୋଭ ରାଇଫଲ ଖରିଦ କରିବା ପାଇଁ ପାକିସ୍ତାନ ଦେଇଥିବା ପ୍ରସ୍ତାବକୁ ପ୍ରତ୍ୟାଖ୍ୟାନ କରିଦେଇଛି ମସ୍କୋ । ପାକିସ୍ତାନ ସହିତ କୌଣସି ପ୍ରକାରର ପ୍ରତିରକ୍ଷା ଡିଲ କରିବ ନାହିଁ ବୋଲି ଋଷିଆ ଭାରତକୁ ପ୍ରତିଶ୍ରୁତି ଦେଇଛି ।
ଋଷିଆ ସହିତ ନିଜର ସାମରିକ ସଂପର୍କକୁ ବଢାଇବା ପାଇଁ ଚଳିତ ବର୍ଷ ପ୍ରାରମ୍ଭରେ ଇସ୍ଲାମାବାଦ ଏହି ଅର୍ଡର ଦେଇଥିଲା ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ପାକିସ୍ତାନ ସହିତ ଏବେ କିମ୍ବା ଭବିଷ୍ୟତରେ କୌଣସି ସାମରିକ ଡିଲ ହେବ ନାହିଁ ବୋଲି ଭାରତକୁ ଆଶ୍ୱସ୍ତ କରିଛନ୍ତି ଋଷିଆ ସରକାର । ଗତ ୨୦୧୫ରେ ପାକିସ୍ତାନ ଋଷିଆଠାରୁ ୪ଟି ଏମଆଇ ୩୫ଏମ ଆଟାକ ହେଲିକାପ୍ଟର ଖରିଦ କରିଥିଲା । ତାପରବର୍ଷ ଅର୍ଥାତ ୨୦୧୬ରେ ପାକିସ୍ତାନ ଋଷିଆ ସହିତ ମିଶି ସାମରିକ ଅଭ୍ୟାସ କରିଥିଲା । କିନ୍ତୁ ଏହାକୁ ନେଇ ଭାରତ ଆପତ୍ତି ଉଠାଇବାରୁ ଋଷିଆ ପାକିସ୍ତାନ ସହିତ ସାମରିକ ସଂପର୍କ ଛିନ୍ନ କରିଛି ।
ଭାରତ ସରକାର ଓ ଋଷିଆର କାଲାସନିକୋଭ (ଏକେ-୪୭ ନିର୍ମାଣକାରୀ କମ୍ପାନି) ମିଳିତଭାବେ ଆମେଥିଠାରେ ଏକେ-୨୦୩ ରାଇଫଲ କାରଖାନା ପ୍ରତିଷ୍ଠା କରିଛନ୍ତି ।