ପୁଟିନଙ୍କ ଖାସ୍ ଲୋକ କବଜାକୁ ଆସିବା ପରେ ମୁକ୍ତି ପାଇଁ ସାଧାରଣ ନାଗରିକ ଓ ସୈନିକମାନଙ୍କୁ ଛାଡ଼ିବାର ସର୍ତ୍ତ ରଖିଲା ୟୁକ୍ରେନ
କିବ୍: ରୁଷ ସହିତ ଚାଲିଥିବା ଯୁଦ୍ଧ ମଧ୍ୟରେ ୟୁକ୍ରେନ ରୁଷ ରାଷ୍ଟ୍ରପତି ପୁଟିନଙ୍କ ଖାସ ବୋଲାଉଥିବା ବିକାଶ ମେଡଭେଡଚୁକଙ୍କୁ ଗିରଫ କରିଥିବା ଦାବି କରିଛି। ୟୁକ୍ରେନର ଗୁଇନ୍ଦା ଏଜେନ୍ସି ଏସବିୟୁ କିଛି ଫଟୋ ସେୟାର କରିଛି ଯେଉଁଥିରେ ମେଡଭେଡଚୁକଙ୍କ ହାତରେ ହ୍ୟାଣ୍ଡକଫ୍ ଲାଗିଥିବା ନଜର ଦେଖାଯାଇଛି। ୟୁକ୍ରେନର ରାଷ୍ଟ୍ରପତି ଭୋଲୋଦିମିର ଜେଲେନସ୍କି ମଧ୍ୟ ମେଡଭେଡଚୁକ ଗିରଫ ବିଷୟରେ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦେଶଦ୍ରୋହ ଅଭିଯୋଗରେ ଗତ ବର୍ଷ ମେଡଭେଡଚୁକଙ୍କୁ ଗିରଫ କରାଯାଇଥିଲା। ମେଡଭେଡଚୁକ୍ ଚଳିତ ବର୍ଷ ଫେବ୍ରୁଆରି ଶେଷରେ ଜେଲରୁ ଖସି ପଳାଇଥିବା ବେଳେ ଏବେ ୟୁକ୍ରେନ ତାଙ୍କୁ ପୁଣି ଅଟକ ରଖିଥିବା ଦାବି କରିଛି। ମେଡଭେଡଚୁକଙ୍କ ମୁକ୍ତି ବଦଳରେ ୟୁକ୍ରେନ ରାଷ୍ଟ୍ରପତି ଜେଲେନସ୍କି ୟୁକ୍ରେନର ସାଧାରଣ ନାଗରିକ ଏବଂ ସୈନିକମାନଙ୍କୁ ମୁକ୍ତ କରିବାକୁ ରୁଷକୁ ପ୍ରସ୍ତାବ ଦେଇଛନ୍ତି।
ରୁଷର ରାଷ୍ଟ୍ରପତି ଭବନ କ୍ରେମଲିନର ମୁଖପାତ୍ର ଦିମିତ୍ରୀ ପେସ୍କୋଭ କହିଛନ୍ତି ଯେ, ସେ ମେଡଭେଡଚୁକଙ୍କୁ ଗିରଫ କରାଯାଇଥିବାର ଫଟୋ ଦେଖିଛନ୍ତି। ଏହାକୁ ଦେଖି ସେ କହିଛନ୍ତି ଯେ ଅନେକ ମିଥ୍ୟା ଖବର ସାମ୍ନାକୁ ଆସୁଛି, ତେଣୁ ଏହି ଫଟୋ ଦେଖି ଏହା କେତେ ସତ ତାହା କୁହାଯାଇପାରିବ ନାହିଁ। ଫଟୋରେ ସତ୍ୟତା ଥିବା ନେଇ ଜଣାପଡ଼ିବା ପରେ ୟୁକ୍ରେନର ଦାବି ବିଷୟରେ ଚିନ୍ତା କରାଯିବ ବୋଲି ସେ କହିଛନ୍ତି।