କିବ୍ : କିଛିଦିନ ନିଜର ସାମରିକ ଅପରେସନକୁ ସ୍ଥଗିତ ରଖିବା ପରେ ରୁଷ ସେନା ୟୁକ୍ରେନର ମାରିୟୁପୋଲରେ ଥିବା ଆଜବଷ୍ଟାଲ ଷ୍ଟିଲ ପ୍ଲାଣ୍ଟ ଉପରେ ଆକ୍ରମଣ ଆରମ୍ଭ କରିଦେଇଛି । ଆର୍ଟିଲାରି ଗନ ଓ ବିମାନ ମାଧ୍ୟମରେ ଆକ୍ରମଣ କରାଯାଉଛି । ଏହି ଆକ୍ରମଣରେ ୟୁକ୍ରେନର ରୁଷ ସପକ୍ଷବାଦୀ ବିଦ୍ରୋହୀମାନେ ରୁଷ ସେନାକୁ ସହାୟତା କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଉକ୍ତ ଷ୍ଟାଲ ପ୍ଲାଣ୍ଟରେ ଲୁଚି ରହିଥିବା ୟୁକ୍ରେନ ସେନାର ଫାୟାରିଂ ପୋଜିସନଗୁଡ଼ିକୁ ଟାର୍ଗେଟ୍ କରାଯାଉଛି ବୋଲି ରୁଷ ସେନା କହିଛି ।
ରୁଷ ଗଣମାଧ୍ୟମର ଦାବି ଅନୁସାରେ ଉକ୍ତ ଷ୍ଟିଲ ପ୍ଲାଣ୍ଟ ପରିସରରେ ପ୍ରାୟ ୨୫୦୦ ୟୁକ୍ରେନୀୟ ସୈନ୍ୟ ଓ ୪୦୦ ବିଦେଶୀ ସୈନ୍ୟ ଲୁଚି ରହିଛନ୍ତି । ଅନ୍ୟପକ୍ଷରେ ୟୁକ୍ରେନ ପକ୍ଷରୁ କୁହାଯାଇଛି ଯେ, ସେହି ଷ୍ଟିଲ ପ୍ଲାଣ୍ଟରେ ୧ ହଜାରରୁ ଅଧିକ ସାଧାରଣ ନାଗରିକ ରହିଛନ୍ତି । ତେବେ ଗତ ରବିବାର ଦିନ ଅଧିକାଂଶ ସାଧାରଣ ନାଗରିକଙ୍କୁ ଷ୍ଟିଲ ପ୍ଲାଣ୍ଟରୁ ସୁରକ୍ଷିତ ବାହାର କରାଯାଇଥିଲା ।
ତେବେ ୟୁକ୍ରେନୀୟ ସୈନ୍ୟମାନଙ୍କୁ ଆତ୍ମସମର୍ପଣ କରିବାକୁ ରୁଷ ସେନା ପୂର୍ବରୁ ବାରମ୍ବାର ଅନୁରୋଧ କରିଥିଲେ ବି ସେମାନେ ତାହାକୁ ଗ୍ରହଣ କରିନଥିଲେ । ଏହି ୟୁକ୍ରେନ ସୈନ୍ୟଙ୍କ ଉପରେ ରୁଷ ପକ୍ଷରୁ ଆକ୍ରମଣ କରାଯାଉଛି । ଏପ୍ରିଲ ୩ୟ ସପ୍ତାହରୁ ହିଁ ରୁଷ ସେନା ଏହି ଷ୍ଟିଲ ପ୍ଲାଣ୍ଟକୁ ଘେରି ରହିଛି ।