ମିଳିଲା ନିଖୋଜ ହେଲିକପ୍ଟରର ଭଗ୍ନାବଶେଷ, ୧୭ ମୃତ ଦେହ ଉଦ୍ଧାର

ମସ୍କୋ: ଋଷିଆର ସୁଦୂର ପୂର୍ବାଞ୍ଚଳରେ ନିଖୋଜ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିବାର ଦୁଃଖଦ ଖବର ସାମ୍ନାକୁ ଆସିଛି। ବିମାନରେ ଥିବା ୨୨ ଜଣଙ୍କ ମଧ୍ୟରୁ ୧୭ ଜଣଙ୍କ ମୃତଦେହ ଉଦ୍ଧାର କରାଯାଇଛି। ହେଲିକପ୍ଟରର ଭଗ୍ନାବଶେଷ ମଧ୍ୟ ଠାବ କରାଯାଇଛି ବୋଲି ରୁଷ୍ ଅଧିକାରୀମାନେ ଆଜି କହିଛନ୍ତି। ରୁଷର ଜରୁରୀକାଳୀନ ମନ୍ତ୍ରଣାଳୟ କହିଛି ଯେ ୧୭ ଟି ମୃତଦେହ ମିଳିଛି ଏବଂ ଉଦ୍ଧାରକାରୀ କର୍ମଚାରୀମାନେ ଅବଶିଷ୍ଟ ମୃତଦେହକୁ ଖୋଜୁଛନ୍ତି। ଋଷିଆର ସରକାରୀ ନ୍ୟୁଜ୍ ଏଜେନ୍ସି ଆରଆଇଏ ନୋଭୋସ୍ତି ଜରୁରୀକାଳୀନ ମନ୍ତ୍ରଣାଳୟକୁ ଉଦ୍ଧାର କରି କହିଛି ଯେ ବିମାନରେ ଥିବା ସମସ୍ତ ଯାତ୍ରୀଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି।

ଖରାପ ପାଗ ଏବଂ ଖରାପ ଦୃଶ୍ୟମାନତା କାରଣରୁ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିବା ଅନୁମାନ କରାଯାଉଛି। ରୁଷିଆର ଜରୁରୀକାଳୀନ ମନ୍ତ୍ରଣାଳୟ ଟେଲିଗ୍ରାମରେ ଲେଖିଛି, ନିଖୋଜ ହେଲିକପ୍ଟରର ଭଗ୍ନାବଶେଷ ଜାଣିବା ପାଇଁ ଆକାଶମାର୍ଗରୁ ସର୍ଭେ କରାଯାଇଥିଲା। ଯେଉଁ ସ୍ଥାନରୁ ଶେଷ ଥର ପାଇଁ ଯୋଗାଯୋଗ ହୋଇଥିଲା ସେହି ସ୍ଥାନ ନିକଟରେ ଭଗ୍ନାବଶେଷ ୯୦୦ ମିଟର ଉଚ୍ଚତାରେ ମିଳିଥିଲା ।

ଖରାପ ପାଗ ଏବଂ ଖରାପ ଦୃଶ୍ୟମାନତା କାରଣରୁ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିବା ଅନୁମାନ କରାଯାଉଛି। ରୁଷିଆର ଜରୁରୀକାଳୀନ ମନ୍ତ୍ରଣାଳୟ ଟେଲିଗ୍ରାମରେ ଲେଖିଛି, ନିଖୋଜ ହେଲିକପ୍ଟରର ଭଗ୍ନାବଶେଷ ଜାଣିବା ପାଇଁ ଆକାଶମାର୍ଗରୁ ସର୍ଭେ କରାଯାଇଥିଲା। ଯେଉଁ ସ୍ଥାନରୁ ଶେଷ ଥର ପାଇଁ ଯୋଗାଯୋଗ ହୋଇଥିଲା ସେହି ସ୍ଥାନ ନିକଟରେ ଭଗ୍ନାବଶେଷ ୯୦୦ ମିଟର ଉଚ୍ଚତାରେ ମିଳିଥିଲା । ହେଲିକପ୍ଟରରେ ଥିବା ଯାତ୍ରୀ କିମ୍ବା କର୍ମଚାରୀଙ୍କ ସମ୍ପର୍କରେ ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ସୂଚନା ମିଳିନାହିଁ।