ଜୟପୁର: କିଛି ଦିନ ତଳେ କଂଗ୍ରେସ ନେତା ସଚିନ ପାଇଲଟ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଭେଟିଥିଲେ। ଏହି ସାକ୍ଷାତ ପରେ ରାଜସ୍ଥାନରେ କଂଗ୍ରେସ ମୁଖ୍ୟଙ୍କ ବଦଳି ହୋଇପାରେ ବୋଲି ଚର୍ଚ୍ଚା ଜୋର ଧରିଥିଲା। ଏବେ ଦୁହିଁଙ୍କ ମଧ୍ୟରେ ହୋଇଥିବା ବୈଠକକୁ ନେଇ ଏକ ଆଶ୍ଚର୍ଯ୍ୟ କଲା ଭଳି ଖବର ସାମ୍ନାକୁ ଆସିଛି। ବୈଠକ ସମୟରେ ପାଇଲଟ ତୁରନ୍ତ ମୁଖ୍ୟମନ୍ତ୍ରୀ ପଦ ଦେବାକୁ ସୋନିଆଙ୍କୁ କହିଥିବା ଜଣାଯାଇଛି। ରାଜ୍ୟ ନିର୍ବାଚନରେ ଦଳ ଯେମିତି ପୁଣି କ୍ଷମତାକୁ ଫେରିବ ତାହା ନିଶ୍ଚିତ କରିବାକୁ ସେ ବିଳମ୍ବ ନକରି ରାଜସ୍ଥାନର ମୁଖ୍ୟମନ୍ତ୍ରୀ ହେବାକୁ ଚାହୁଁଥିବା ସୋନିଆଙ୍କୁ ଜଣାଇଛନ୍ତି। ସଚିନ ପାଇଲଟ ସୋନିଆ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀଙ୍କୁ କହିଛନ୍ତି ଯେ, ଯଦି ଏହା ନହୁଏ ତେବେ ପଞ୍ଜାବ ଭଳି ରାଜସ୍ଥାନରେ ବି କଂଗ୍ରେସ କ୍ଷମତାରୁ ହରାଇବ।
Sambad is now on WhatsApp
Join and get latest news updates delivered to you via WhatsApp
ଡିସେମ୍ବର ୨୦୨୩ ରେ ରାଜସ୍ଥାନରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଏହା ପୂର୍ବରୁ ପାଇଲଟ୍ ହାଇକମାଣ୍ଡଙ୍କୁ କହିଛନ୍ତି ଯେ ଯଦି ତାଙ୍କୁ ମୁଖ୍ୟମନ୍ତ୍ରୀ କରାନଯାଏ ତେବେ ପଞ୍ଜାବର ପରିସ୍ଥିତି ରାଜସ୍ଥାନରେ ପୁନରାବୃତ୍ତି ହେବ।
ଏହାପୂର୍ବରୁ ସଚିନ ପାଇଲଟ ରାଜସ୍ଥାନ କଂଗ୍ରେସ ସଭାପତି ଓ ରାଜ୍ୟର ଉପମୁଖ୍ୟମନ୍ତ୍ରୀ ଥିଲେ। କିନ୍ତୁ ୨୦୨୦ରେ ଯେତେବେଳେ ସେ ଦଳ ବିରୋଧରେ ବିଦ୍ରୋହ କରିଥିଲେ ସେତେବେଳେ ସେ ଉଭୟ ପଦ ହରାଇଥିଲେ। ଗତ ଦୁଇ ବର୍ଷ ମଧ୍ୟରେ କଂଗ୍ରେସର ବହୁ ବଡ ବଡ଼ ନେତା ଦଳ ଛାଡିଥିବା ବେଳେ ଏବେ କଂଗ୍ରେସ ପୁଣି ଥରେ ପାଇଲଟଙ୍କୁ ଭରସା କରିପାରେ ବୋଲି ଚର୍ଚ୍ଚା ହେଉଛି।