ହାଜତ ଭିତରେ ମୃତ୍ୟୁ ମାମଲାକୁ ନେଇ ଗୁଜୁରାଟର ଜାମନଗର କୋର୍ଟ ବରଖାସ୍ତ ହୋଇଥିବା ଆଇପିଏସ୍ ଅଧିକାରୀ ସଂଜୀବ ଭଟ୍ଟ ଏବଂ ତାଙ୍କ ସହଯୋଗୀଙ୍କୁ ଦୋଷୀ ସାବ୍ୟସ୍ତ କରିଛନ୍ତି । କୋର୍ଟ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ୧୯୯୦ରେ ଜାମନଗରରେ ଭାରତ ବନ୍ଦ ସମୟରେ ଏହି ହିଂସା ହୋଇଥିଲା । ଭଟ୍ଟ ସେ ସମୟରେ ଜାମନଗର ଏଏସପି ଥିଲେ ।

Advertisment

ଏହି ସମୟରେ ୧୩୩ ଲୋକଙ୍କୁ ପୁଲିସ୍ ଗିରଫ କରିଥିଲା , ଯେଉଁଥିରେ ୨୫ ଜଣ ଲୋକ ଆହତ ହୋଇଥିଲେ । ୮ ଜଣ ଲୋକ ଏବେ ବି ହସ୍ପିଟାଲରେ ଚିକିତ୍ସିତ ହେଉଛନ୍ତି ।ନ୍ୟାୟିକ ହାଜତରେ ରହିବା ପରେ ଜଣେ ଅଭିଯୁକ୍ତ ପ୍ରଭୁଦାସ ମାଧବ ଜୀ ବେସନାନିଙ୍କ ମୃତ୍ୟୁ ଘଟିଥିଲା । ଭଟ୍ଟ ଏବଂ ତାଙ୍କ ସହଯୋଗୀଙ୍କ ଉପରେ ପୁଲିସ୍ ହାଜତରେ ମାରପିଟ୍ କରିବାର ଅଭିଯୋଗ ହୋଇଥିଲା ।

publive-image photo-live law.in

ଏହି ମାମଲାରେ ଆଇପିଏସ୍ ସଂଜୀବ ଭଟ୍ଟ ଏବଂ ଅନ୍ୟ ପୋଲିସ୍ ଅଫିସରଙ୍କ ବିରୋଧରେ ଅଭିଯୋଗ ଆସିଥିଲା , କିନ୍ତୁ ଗୁଜୁରାଟ ସରକାର ମାମଲା ଚଲାଇବା ପାଇଁ ଆଦେଶ ଦେଇନଥିଲେ । ୨୦୧୧ ରେ ରାଜ୍ୟ ସରକାର ଭଟ୍ଟଙ୍କ ବିରୋଧରେ ଟ୍ରାଏଲର ଅନୁମତି ଦେଇଥିଲେ । ବୁଧବାର ସୁପ୍ରିମକୋର୍ଟ ସଂଜୀବ ଭଟ୍ଟଙ୍କ ଯାଚିକା ଉପରେ ବିଚାର କରିବାକୁ ମନା କରିଦେଇଥିଲେ ।