ରାଜନାଥ ସିଂହଙ୍କ ନେତୃତ୍ୱାଧୀନ ପ୍ରତିରକ୍ଷା ସଂସଦୀୟ ପାନେଲ୍ରେ ସାଧ୍ୱୀ ପ୍ରଜ୍ଞା ସିଂହ ଠାକୁର
ନୂଆଦିଲ୍ଲୀ: ବିବାଦୀୟ ଭାରତୀୟ ଜନତା ପାର୍ଟିର ସାଂସଦ ସାଧ୍ୱୀ ପ୍ରଜ୍ଞା ସିଂହ ଠାକୁରଙ୍କୁ ଗରୁବାର ଦିନ ପ୍ରତିରକ୍ଷା ମନ୍ତ୍ରାଳୟର ସଂସଦୀୟ ପରାମର୍ଶଦାତା କମିଟିରେ ଅନ୍ତର୍ଭୁକ୍ତ କରାଯାଇଛି। ୨୧ ସଦସ୍ୟବିଶିଷ୍ଟ ଏହି ପାନେଲ୍ର ନେତୃତ୍ୱ ନେବେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ। ଏହି କମିଟିିରେ ବିରୋଧୀ ନେତା ଫାରୁକ୍ ଅବ୍ଦୁଲ୍ଲା, ତୃଣମୂଳ କଂଗ୍ରେସର ସୌଗତ ରାୟ, ଡିଏମ୍କେର ଏ. ରାଜା ଏବଂ ଏନ୍ସିପିର ମୁଖ୍ୟ ଶରଦ ପାଓ୍ଵାରଙ୍କୁ ସାମିଲ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସାଧ୍ୱୀ ପ୍ରଜ୍ଞା ହେଉଛନ୍ତି ଭୋପାଳର ସାଂସଦ। ୨୦୧୯ରେ ଅନୁଷ୍ଠିତ ଲୋକସଭା ନିର୍ବାଚନରେ ବରିଷ୍ଠ କଂଗ୍ରେସ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗ୍ବିଜୟ ସିଂହଙ୍କୁ ଅନାୟାସରେ ପରାସ୍ତ କରିଥିଲେ। ସେ ଅନେକ ଆପତ୍ତିଜନକ ମନ୍ତବ୍ୟ ଦେଇ ବିଦାଦୀୟ ହୋଇଛନ୍ତି। ୨୦୦୮ ମାଲେଗାଓଁ ବିସ୍ଫୋରଣ ମାମଲାରେ ମଧ୍ୟ ସେ ଅନ୍ୟତମ ଅଭିଯୁକ୍ତ।
ସାଧ୍ୱୀ ପ୍ରଜ୍ଞାଙ୍କୁ ଏହି କମିଟିରେ ସାମିଲ କରିଥିବାରୁ ବିଜେପି ସମାଲୋଚନାର ସରବ୍ୟ ହୋଇଛି। କଂଗ୍ରେସ ସଚିବ ପ୍ରଣବ ଝା କହିଛନ୍ତି, ଏ ଭଳି ବ୍ୟକ୍ତିଙ୍କୁ ପ୍ରତିରକ୍ଷା ପାନେଲ୍ରେ ରଖିବା ବିଡ଼ମ୍ବନା। ଏଭଳି ଲୋକଙ୍କୁ ଅନ୍ୟ କୌଣସି ଦଳ ସ୍ଥାନ ନ ଦେବାରୁ ବିଜେପି ତାଙ୍କୁ ଗ୍ରହଣ କରିଛି।