ସାଂସଦ ହେବା ପରେ ସାଧ୍ୱୀ ପ୍ରଜ୍ଞାଙ୍କ ବୟାନ : ପୂର୍ବ ଭଳି ଭିକ୍ଷା ମାଗି ଚଳିବି, ଯାହା ବି ଦରମା ମିଳିବ ତାକୁ ଲୋକମାନଙ୍କ ଉନ୍ନତି ପାଇଁ ଲଗାଇବି
ଭୋପାଳ : ମଧ୍ୟପ୍ରଦେଶର ଭୋପାଳ ଆସନରୁ ଦିଗ୍ଗଜ ନେତା ଦିଗ୍ବିଜୟ ସିଂହଙ୍କୁ ୩,୬୪,୮୨୨ଭୋଟରେ ହରାଇ ବିଜୟ ହାସଲ କରିଥିଲେ ବିଜେପି ପ୍ରାର୍ଥୀ ସାଧ୍ୱୀ ପ୍ରଜ୍ଞା । ନିର୍ବାଚନ ଜିତିବା ପରେ ମଧ୍ୟ ତାଙ୍କ ଜୀବନରେ କୌଣସି ପରିବର୍ତ୍ତନ ଆସିବ ନାହିଁ ବୋଲି କହିଛନ୍ତି ସାଧ୍ୱୀ ପ୍ରଜ୍ଞା । ସେ ପୂର୍ବ ଭଳି ଭିକ୍ଷା ମାଗି ଜୀବନ ବିତାଇବା ସହ ସାସଂଦ ଭାବରେ ତାଙ୍କୁ ଯାହା ଅର୍ଥ ମିଳିବ ତାକୁ ସେ ଜନତାଙ୍କ ହିତରେ ଖର୍ଚ୍ଚ କରିବେ ବୋଲି କହିଛନ୍ତି । ଗାଜିଆବାଦରେ ଆୟୋଜିତ କରାଯାଇଥିବା ବୀର ସବରକରଙ୍କ ଜୟନ୍ତୀ ଅବସରରେ ସାଧ୍ୱୀ ପ୍ରଜ୍ଞା ଯୋଗ ଦେଇ ଏଭଳି ବୟାନ ଦେଇଥିଲେ ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଲୋକସଭା ପ୍ରାର୍ଥୀଭାବେ ନିର୍ବାଚନ ଲଢ଼ିଥିବା ସାଧ୍ୱୀ ପ୍ରଜ୍ଞା ନିଜ ଆଫିଡେଭିଟ୍ରେ ପେଶାରେ ସେ ଜଣେ ଭିକାରୀ ବୋଲି ଲେଖିଥିଲେ । ଭିକାରୀ ହୋଇ ମଧ୍ୟ ତାଙ୍କ ପାଖରେ ୪,୪୪,୨୨୪ଟଙ୍କାର ସମ୍ପତ୍ତି ରହିଥିବା ଜଣା ପଡ଼ିଛି । ନିର୍ବାଚନୀ ପ୍ରମାଣପତ୍ରରେ ତାଙ୍କ ପାଖରେ ୯୦,୦୦୦ ନଗଦ ଟଙ୍କା ଥିବା ବେଳେ ଗୋଟେ ବ୍ୟାଙ୍କରେ ୮୮,୮୨୪ଟଙ୍କା ଏବଂ ଅନ୍ୟ ଏକ ବ୍ୟାଙ୍କରେ ୧୧ହଜାର ଟଙ୍କା ରହିଥିବା ଲେଖିଥିଲେ ।