ସଫେଇ କର୍ମଚାରୀଙ୍କ କାମ ବନ୍ଦ ଯୋଗୁଁ ଉଠି ପାରୁନି ଅଳିଆ: ତାଜମହଲ ପରିସରରୁ ଆସୁଛି ଦୁର୍ଗନ୍ଧ

ନୂଆଦିଲ୍ଲୀ: ବିଶ୍ୱର ସପ୍ତାଶ୍ଚର୍ଯ୍ୟ ତାଜମହଲ ପରିସର ଅପରିଷ୍କାର ହୋଇପଡ଼ିଛି। ଏହି ବିଶ୍ବ ପ୍ରସିଦ୍ଧ ପର୍ଯ୍ୟଟନସ୍ଥଳୀରୁ ଆସୁଛି ଦୁର୍ଗନ୍ଧ । ଚାରିଆଡ଼େ ଜମା ହୋଇଛି କୁଢ଼ କୁଢ଼ ଅଳିଆ ଆବର୍ଜନା । ଦୁର୍ଗନ୍ଧରେ ନାକ ଫାଟି ପଡ଼ୁଛି । ସଫେଇ କର୍ମଚାରୀଙ୍କ ଆନ୍ଦୋଳନ ଯୋଗୁଁ  ତାଜ ପରିସରରୁ ଉଠିପାରୁନାହିଁ ଅଳିଆ। ଉଚିତ ସମୟରେ ଦରମା ନମିଳିବାରୁ ସଫେଇ କର୍ମଚାରୀମାନେ କାମ ବନ୍ଦ କରିଦେଇଛନ୍ତି । ଗତ ବୁଧବାର ଠାରୁ ତାଜମହଲର ସଫେଇ ଦାୟିତ୍ବରେ ଥିବା ୨୮ କର୍ମଚାରୀ କାମ ବନ୍ଦ କରିବା ହେତୁ ଏହାର ପରିସର ଅଳିଆ ଆବର୍ଜନାପୂର୍ଣ୍ଣ ହୋଇଉଠିଛି।