ଚଣ୍ଡୀଗଡ଼: ମହାରାଷ୍ଟ୍ରର ପାଲଘର ଏବଂ ଉତ୍ତରପ୍ରଦେଶରେ ସାଧୁଙ୍କ ହତ୍ୟା ଘଟଣା ମନରୁ ଲିଭିନଥିବାବେଳେ ଆଜି ପଞ୍ଜାବରେ ଜଣେ ସାଧୁଙ୍କୁ ହତ୍ୟା ଘଟଣା ସାମ୍ନାକୁ ଆସିଛି। ପଞ୍ଜାବର ନୱାନଶାହରରେ ଥିବା ସାଧୁ ମହା ଯୋଗେଶ୍ୱର ମୁନି ଦେଶାମଙ୍କ ମୃତଦେହ ତାଙ୍କ ଆଶ୍ରମରୁ ଉଦ୍ଧାର କରାଯାଇଛି । ମହା ଯୋଗେଶ୍ୱର ମୁନି ଦେଶାମ ରୋପର ନିକଟ ସତଲେଜ ନଦୀ କୂଳରେ ଜଙ୍ଗଲରେ ଆଶ୍ରମ ନିର୍ମାଣ କରି ୪୦ ବର୍ଷ ଧରି ରହୁଥିଲେ । ମୃତ୍ୟୁବେଳକୁ ତାଙ୍କୁ ୮୫ ବର୍ଷ ବୟସ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ପୁଲିସ ମୃତଦେହ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଛି। ଫୋରେନସିକ୍ ଟିମ୍ ମଧ୍ୟ ଘଟଣାସ୍ଥଳରୁ ପ୍ରମାଣ ସଂଗ୍ରହ କରିଛି । ଆଶ୍ରମ ଜମି ଅଧିଗ୍ରହଣ କିମ୍ବା ଚୋରି କରିବା ଉଦ୍ଦେଶ୍ୟରେ ସାଧୁଙ୍କୁ ହତ୍ୟା କରାଯାଇଥିବାର ପୁଲିସ ସନ୍ଦେହ କରୁଛି | ସନ୍ଥ ଯୋଗେଶ୍ୱର ମୁନି ରୋପର ନିକଟ ନୱାନଶାହର ଜିଲ୍ଲାର ସତଲେଜ ନଦୀ କୂଳରେ ଥିବା ଏକ ଆଶ୍ରମରେ ରହୁଥିଲେ।
ରୁମର କବାଟ ଭାଙ୍ଗି ଏଲଇଡି ଟିଭି, ଇନଭର୍ଟର ଏବଂ ବ୍ୟାଟେରୀ ମଧ୍ୟ ଘଟଣାସ୍ଥଳରୁ କେହି ନେଇଯାଇଥିବାର ଦେଖିବାକୁ ମିଳିଛି | ଏଭଳି ପରିସ୍ଥିତିରେ ଚୋରି କରିବା ଉଦ୍ଦେଶ୍ୟରେ ଏହି ଘଟଣା ଘଟିଥିବାର ମଧ୍ୟ ସନ୍ଦେହ କରାଯାଉଛି। ଏହା ପୂର୍ବରୁ ମହାରାଷ୍ଟ୍ରର ପାଲଘର ଓ ଉତ୍ତରପ୍ରଦେଶ ବୁଲନ୍ଦସହର ଅନୁପଶାହାର କୋଟୱାଲିରେ ଚାରିଜଣ ସାଧୁଙ୍କୁ ହତ୍ୟା କରାଯାଇଥିଲା |