୫୮ରେ ପାଦଦେଲେ ସଲ୍‌ମାନ

ନୂଆଦିଲ୍ଲୀ: ଆଜି ୫୭ତମ ଜନ୍ମଦିନ ପାଳନ କରିଛନ୍ତି ସଲମାନ ଖାନ। ଏହି ଉପଲକ୍ଷେ ସେ ତାଙ୍କ ପରିବାର ଏବଂ ଚଳଚ୍ଚିତ୍ର ଇଣ୍ଡଷ୍ଟ୍ରୀର ବନ୍ଧୁମାନଙ୍କ ପାଇଁ ଏକ ପାର୍ଟିର ଆୟୋଜନ କରିଥିଲେ। ପାର୍ଟିରେ ଶାହରୁଖ ଖାନ୍‌ଙ୍କ ସମେତ ତବୁ, ଲୁଲିଆ ଭନ୍ତୁର, ସୋନାକ୍ଷୀ ସିହ୍ନା, କାର୍ତ୍ତିକ ଆର୍ଯ୍ୟନ୍‌, ସିଦ୍ଧାନ୍ତ ଚତୁର୍ବେଦୀ, ଜେନେଲିଆ ଡି’ସୁଜା, ରିତେଶ ଦେଶମୁଖ ପ୍ରମୁଖ ବହୁ ଅଭିନେତା ଅଭିନେତ୍ରୀ ଯୋଗ ଦେଇଥିଲେ। ସମସ୍ତଙ୍କ ଉପସ୍ଥିତିରେ ସଲ୍‌ମାନ କେକ୍‌ କାଟିଥିଲେ।

ବାର୍ଥଡେ ସଙ୍ଗୀତର ତାଳେ ତାଳେ ସଲ୍‌ମାନ ଯୋଡ଼ହସ୍ତ ହୋଇ ଉପସ୍ଥିତ ବନ୍ଧୁ ପରିଜନଙ୍କୁ ସ୍ବାଗତ କରିଥିଲେ। ବାର୍ଥଡେ ପାର୍ଟିର ଫଟୋ ଓ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି। ଫଳରେ ସଲ୍‌ମାନଙ୍କ ପ୍ରଶଂସକମାନେ ମଧ୍ୟ ସୋସିଆଲ ମିଡିଆରେ ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ସଂଗୀତା ବିଜ୍‌ଲାନି ମଧ୍ୟ ଆଜି ସଲମାନଙ୍କ ଜନ୍ମଦିନ ପାର୍ଟିରେ ଯୋଗ ଦେଇଛନ୍ତି। ଉଭୟ ପରସ୍ପରକୁ ଆଲିଙ୍ଗନ କରିବା ସହିତ ସଙ୍ଗୀତା ଯିବା ସମୟରେ ସଲମାନ ତାଙ୍କ ମସ୍ତକରେ ଚୁମ୍ବନ ଦେଇଥିଲେ।