ମାଇକ୍ରୋସଫ୍ଟରେ ଯୋଗ ଦେଲେ ସାମ୍ ଅଲଟମ୍ୟାନ୍

ନୂଆଦିଲ୍ଲୀ:  ଚାଟ୍ ଜିପିଟିର ସହ ପ୍ରତିଷ୍ଠାତା ସାମ୍ ଅଲ୍ଟମ୍ୟାନ୍ କିଛି ଦିନ ତଳେ ଚାଟ୍ ଜିପିଟିରୁ ବହିଷ୍କୃତ ହେବା ପରେ ତାଙ୍କ ଭବିଷ୍ୟତକୁ ସାରା ବିଶ୍ବରେ ବ୍ୟାପକ ଚର୍ଚ୍ଚା ହୋଇଥିଲା । ସେ ପୁଣି ଓପନଏଆଇ ଫେରିବା ନେଇ ବି ଚର୍ଚ୍ଚା ହୋଇଥିଲା । କିନ୍ତୁ ଏବେ ତାଙ୍କୁ ନେଇ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟିଛି । ସେ ମାଇକ୍ରୋସଫ୍ଟରେ ଯୋଗ ଦେଇଛନ୍ତି । ଏ ସଂପର୍କରେ ମାଇକ୍ରୋସଫ୍ଟ ସିଇଓ ସତ୍ୟ ନାଡେଲା ଏକ୍ସ(ଟ୍ବିଟର)ରେ ଏକ ପୋଷ୍ଟ କରି ସୂଚନା ଦେଇଛନ୍ତି ।

ସତ୍ୟ ନାଡେଲା ଟ୍ୱିଟରରେ ଲେଖିଛନ୍ତି, "ଆମେ ଓପନଏଆଇ ସହିତ ଆମର ଭାଗିଦାରୀ ପାଇଁ ପ୍ରତିଶ୍ରୁତିବଦ୍ଧ । ଆମର ଉତ୍ପାଦ ରୋଡମ୍ୟାପ୍, ମାଇକ୍ରୋସଫ୍ଟ ଇଗ୍ନାଇଟରେ ଆମେ ଯାହା ଘୋଷଣା କରିଛୁ ସେଥିରେ ଅଭିନବତା ଜାରି ରଖିବାର ଆମର ଦକ୍ଷତା ଏବଂ ଆମର ଗ୍ରାହକ ଏବଂ ଅଂଶୀଦାରମାନଙ୍କୁ ସମର୍ଥନ ଜାରି ରଖିବାର ଆମର ଦକ୍ଷତା ଉପରେ ବିଶ୍ୱାସ ରଖିଛୁ ।

" ଆମେ ଏହି ଖବର ସେୟାର କରିବାକୁ ଅତ୍ୟନ୍ତ ଉତ୍ସାହିତ ଯେ ସାମ୍ ଅଲ୍ଟମ୍ୟାନ୍ ଏବଂ ଗ୍ରେଗ୍ ବ୍ରୋକମ୍ୟାନ୍, ସହକର୍ମୀଙ୍କ ସହ ମିଶି ଏକ ନୂତନ ହାଇଟେକ୍ ଏଆଇ ଗବେଷଣା ଦଳର ନେତୃତ୍ୱ ନେବେ। ସେମାନଙ୍କ ସଫଳତା ପାଇଁ ଆବଶ୍ୟକ ସମ୍ବଳ ଯୋଗାଇବା ଦିଗରେ ଆମେ ଦ୍ରୁତ ଗତିରେ ଆଗକୁ ବଢ଼ିବାକୁ ଚାହୁଁଛୁ।“