ନାବାଳିକାକୁ ଦୁଷ୍କର୍ମ ଉଦ୍ୟମ ଅଭିଯୋଗରେ ଗିରଫ ହେବା ପରେ ଏହାକୁ ଷଡ଼ଯନ୍ତ୍ର ବୋଲି କହିଲେ ସପା ନେତା

ନୂଆଦିଲ୍ଲୀ: ସୋମବାର ୧୫ ବର୍ଷର ନାବାଳିକାକୁ ଦୁଷ୍କର୍ମ ଉଦ୍ୟମ କରିଥିବା ଅଭିଯୋଗରେ ସମାଜବାଦୀ ପାର୍ଟି ନେତା ନବାବ ସିଂ ଯାଦବଙ୍କୁ ଗିରଫ କରାଯାଇଥିବା ବେଳେ ଏବେ ସେ ତାହାକୁ ଏକ ଷଡ଼ଯନ୍ତ୍ର ବୋଲି କହିଛନ୍ତି।

ସୋମବାର ରାତି ପ୍ରାୟ ୧.୩୦ରେ ଉତ୍ତରପ୍ରଦେଶ ପୁଲିସ ୧୧୨ ହେଲ୍ପଲାଇନ ନମ୍ବରରେ ଏକ ଦୁଃଖଦ କଲ୍ ପାଇଥିଲା। ଏନେଇ କନୌଜ ପୁଲିସ ଅଧୀକ୍ଷକ ଅମିତ କୁମାର ଆନନ୍ଦ କହିଛନ୍ତି ଯେ, ଗତକାଲି ରାତି ପ୍ରାୟ ୧.୩୦ ସମୟରେ ୟୁପି ପୁଲିସ୍‌ ୧୧୨ରେ ଏକ କଲ ପାଇଥିଲା। ​​ଯେଉଁଥିରେ ଜଣେ ଝିଅ ତାଙ୍କୁ ଦୁଷ୍କର୍ମ ଓ ଆକ୍ରମଣ ଉଦ୍ୟମ କରାଯାଇଥିବା ଅଭିଯୋଗ ଆଣିଥିଲେ।

ଘଟଣାସ୍ଥଳରେ ପହଞ୍ଚିବା ପରେ ପୁଲିସ ଯୁବତୀଙ୍କୁ ଉଦ୍ଧାର କରି ନବାବ ସିଂ ଯାଦବଙ୍କୁ ଗିରଫ କରିଥିଲା। ପଚରାଉଚରା ବେଳେ ଝିଅଟି ପୁଲିସକୁ କହିଥିଲେ ​​ଯେ ତାଙ୍କର ଚାକିରି କରିବାର ଆବଶ୍ୟକତା ଥିବାରୁ ତାଙ୍କ ଖୁଡ଼ି ତାଙ୍କୁ ଯାଦବଙ୍କ ବାସଭବନକୁ ନେଇ ଯାଇଥିଲେ।

ଭାରତୀୟ ନୟା ସଂହିତା (ବିଏନ୍ଏସ୍) ଏବଂ ପୋ‌କ୍ସୋ ଆକ୍ଟ ଅଧୀନରେ ଏକ ମାମଲା ରୁଜୁ ହୋଇଛି ଏବଂ ଏହାକୁ ନେଇ ଅଧିକ ତଦନ୍ତ ଚାଲିଛି ଏହାକୁ ସପା ନେତା ଏକ "ମିଳିତ ଷଡଯନ୍ତ୍ର" ବୋଲି କହି କହିଛନ୍ତି।

ପୀଡିତା ଏହାକୁ ଅସ୍ୱୀକାର କରିଛନ୍ତି। ଏବେ ପୀଡ଼ିତାଙ୍କର ଡାକ୍ତରୀ ପରୀକ୍ଷା କରାଯିବ। ଏହି ସମୟରେ କୋର୍ଟ ଆପ୍‌ ନେତାଙ୍କୁ ୧୪ ଦିନିଆ ନ୍ୟାୟିକ ହେପାଜତକୁ ପଠାଇଛି।