ମାୟାବତୀଙ୍କ ପରେ ଏବେ ବ୍ରାହ୍ମଣ ଭୋଟ ଉପରେ ଅଖିଳେଶଙ୍କ ନଜର, ଭୋଟ ହାତେଇବା ପାଇଁ କରିବେ ବ୍ରାହ୍ମଣ ସମ୍ମିଳନୀ
ନୂଆଦିଲ୍ଲୀ: ଆଗାମୀ ବର୍ଷ ଉତ୍ତରପ୍ରଦେଶରେ ହେବାକୁ ଥିବା ନିର୍ବାଚନ ପୂର୍ବରୁ ବିଭିନ୍ନ ରାଜନୈତିକ ଦଳମାନେ ପ୍ରସ୍ତୁତି ଆରମ୍ଭ କରିଦେଇଛନ୍ତି । ବହୁଜନ ସମାଜବାଦୀ ପାର୍ଟି ପରେ ଏବେ ସମାଜବାଦୀ ପାର୍ଟି ବି ବ୍ରାହ୍ମଣ ଭୋଟ ଉପରେ ନଜର ପକାଇଛି । ସମାଜବାଦୀ ପାର୍ଟି ପକ୍ଷରୁ ଖୁବଶୀଘ୍ର ବାହ୍ମଣ ସମ୍ମିଳନୀ କରାଯିବ ବୋଲି ସୂଚନା ମିଳିଛି । ଏନେଇ ସମାଜବାଦୀ ପାର୍ଟିର ଅଧ୍ୟକ୍ଷ ଅଖିଳେଶ ଯାଦବ ରବିବାର ଦିନ ପାର୍ଟିର ୫ ବରିଷ୍ଠ ବ୍ରାହ୍ମଣ ନେତାଙ୍କୁ ଭେଟିଛନ୍ତି । ଏହି ଅବସରରେ ବ୍ରାହ୍ମଣ ନେତାମାନେ ଅଖିଳେଶଙ୍କୁ ଭଗବାନ ପର୍ଶୁରାମଙ୍କ ପ୍ରତିମୂର୍ତ୍ତି ପ୍ରଦାନ କରିଛନ୍ତି । ସୂଚନା ମୁତାବକ, ସମାଜବାଦୀ ପାର୍ଟିର ଏହି ବ୍ରାହ୍ମଣ ସମ୍ମିଳନୀ ୟୁପିର ବାଲିଆ ଜିଲ୍ଲାରେ ଅନୁଷ୍ଠିତ ହେବ ।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ୟୁପିରେ ମୋଟ ଭୋଟରୁ ୧୩ ପ୍ରତିଶତ ବ୍ରାହ୍ମଣ ଭୋଟ ରହିଛି, ଯାହାକୁ ହାସଲ କରିବାକୁ ଏବେ ରାଜନୈତିକ ଦଳମାନଙ୍କ ମଧ୍ୟରେ ପ୍ରତିଯୋଗିତା ଆରମ୍ଭ ହୋଇଛି । କିଛିଦିନ ଆଗରୁ ମାୟାବତୀଙ୍କ ବହୁଜନ ସମାଜବାଦୀ ପାର୍ଟି ପକ୍ଷରୁ ବ୍ରାହ୍ମଣ ସମ୍ମିଳନୀ ଆରମ୍ଭ କରାଯାଇଛି । ଜୁଲାଇ ୨୩ ତାରିଖରୁ ଅଯୋଧ୍ୟାରେ ଆରମ୍ଭ ହୋଇଥିବା ବ୍ରାହ୍ମଣ ସମ୍ମିଳନୀ ୫ଟି ପର୍ଯ୍ୟାୟରେ ଅନୁଷ୍ଠିତ ହେବ ବୋଲି କୁହାଯାଇଛି ।