ଡାକ୍ତରଖାନାରୁ ଛାଡ଼ ପାଇ ଘରକୁ ଫେରିଲେ ସମ୍ବିତ ପାତ୍ର , କହିଲେ ସୁସ୍ଥ ହେବା ପାଇଁ ଆଉ କିଛି ଦିନ ଲାଗିବ
ଭୁବନେଶ୍ୱର : କରୋନା ଲକ୍ଷଣ ଦେଖାଯିବା ପରେ ମେ ୨୮ରେ ଡାକ୍ତରଖନାରେ ଭର୍ତ୍ତି ହୋଇଥିବା ବିଜେପି ରାଷ୍ଟ୍ରୀୟ ମୁଖପାତ୍ର ଡ. ସମ୍ବିତ ପାତ୍ରଙ୍କୁ ଆଜି ହସପିଟାଲରୁ ଛାଡ଼ି ଦିଆଯାଇଛି । ଏ ସଂପର୍କରେ ସେ ନିଜେ ଟ୍ଵିଟ କରି ସୂଚନା ଦେଇଛନ୍ତି ।
ଟ୍ଵିଟ କରି ସେ ଲେଖିଛନ୍ତି, “ମୁଁ ଘରକୁ ଫେରିଆସିଛି । କିନ୍ତୁ ମୁଁ ସଂପୂର୍ଣ୍ଣ ଭାବେ ସୁସ୍ଥ ହୋଇନାହିଁ । ମୋତେ ସଂପୂର୍ଣ୍ଣ ଆରୋଗ୍ୟ ହେବାକୁ ଆଉ କିଛି ଦିନ ଲାଗିବ । ତେବେ ଲୋକମାନଙ୍କ ଶୁଭେଚ୍ଛା ପାଇଁ ଧନ୍ୟବାଦ ଜଣାଉଛି ।”
Sambad is now on WhatsApp
Join and get latest news updates delivered to you via WhatsApp
आप सभी के आशीर्वाद और प्रार्थना के बल से मैं स्वास्थ्य लाभ कर अपने घर लौटा हूँ।
सम्पूर्ण रूप से ठीक होने में और थोड़ा वक्त लगेगा।
आप सभी को आपके आशीर्वाद के लिए मेरा दंडवत् प्रणाम🙏— Sambit Patra (@sambitswaraj) June 9, 2020
ଆଉ ଏକ ଟ୍ଵିଟ କରି ସେ ଲେଖିଛନ୍ତି ଯେ ସେ ଅସୁସ୍ଥ ଥିବାେବେ ଯେପରି ଦଳ ଓ ଦଳର ନେତୃତ୍ୱ ତାଙ୍କ ପଛରେ ଛିଡ଼ା ହେଲା ସେ ନିସଂକୋଚରେ କହିପାରିବେ ଯେ ଦଳ ହେଉଛି ତାଙ୍କର ପରିବାର ।
ସେ ଘରକୁ ଫେରିବା ପରେ ଆନନ୍ଦ ପ୍ରକାଶ କରି ଦିଲ୍ଲୀ ବିଜେପି ନେତା ତେଜିନ୍ଦର ସିଂ ବାଗା ଟ୍ଵିଟ କରି ଲେଖିଛନ୍ତି ଯେ ସଂବିତ ଶୀଘ୍ର ସୁସ୍ଥ ହୋଇଯାଆନ୍ତୁ । ତାଙ୍କ ଘରକୁ ଯାଇ ଚା ପିଇବି ।
ଡ. ପାତ୍ରଙ୍କ ଠାରେ କରୋନା ଲକ୍ଷଣ ଦେଖାଯିବା ପରେ ମେ ୨୮ରେ ତାଙ୍କୁ ଗୁରୁଗାଓଁର ମେଦାନ୍ତ ହସପିଟାଲରେ ଭର୍ତ୍ତି କରାଯାଇଥିଲା ।
ସେ ଡାକ୍ତରଖାନାରେ ଭର୍ତ୍ତି ହେବା ପରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ସମେତ ଆଉ କେତେକ ବିଜେପି ନେତା ତାଙ୍କର ଆଶୁ ଆରୋଗ୍ୟ କାମନା କରିଥିଲେ ।