ନୂଆଦିଲ୍ଲୀ: ବିଜେପିର ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଆଜି ନିଜ ଟ୍ୱିଟରରେ ଏକ ଭିଡିଓ ସେୟାର କରିଛନ୍ତି | ଭିଡିଓ ସେୟାର କରିବା ସହ ସମ୍ବିତ ଦାବି କରିଛନ୍ତି ଯେ ଏମାନଙ୍କୁ ଜିନ୍ନାଙ୍କ ସ୍ୱାଧୀନତା ଆବଶ୍ୟକ |  ସମ୍ବିତ ପାତ୍ର   ସେୟାର କରିଥିବା ଭିଡିଓରେ କିଛି ଲୋକ ସ୍ୱାଧୀନତା ଲାଗି ନାରାବାଜି କରୁଥିଲେ | ତେବେ ସମ୍ପୂର୍ଣ୍ଣ ନାରା ଶୁଣିବାକୁ ମିଳି ନ ଥିବାବେଳେ ସେମାନେ 'ଆଜାଦି ଆଜାଦି' ବୋଲି କହୁଥିବାର ଶୁଣିବାକୁ ମିଳିଛି | ଏହି ଭିଡିଓକୁ ନେଇ ସମ୍ବିତ ଟ୍ୱିଟରରେ ଲେଖିଛନ୍ତି ଯେ 'ଏମାନଙ୍କୁ ଜିନ୍ନାଙ୍କ ସ୍ୱାଧୀନତା ଆବଶ୍ୟକ |’

Advertisment


ବନ୍ଧୁମାନେ ଏମାନେ ଭାରତ ସହ ଅଛନ୍ତି ନା ଭାରତ ବିରୋଧରେ ଅଛନ୍ତି | ଏବେ ଏହାକୁ ନେଇ କିଛି କହିବାର ନାହିଁ | ଦୁଃଖ ଲାଗୁଛି ଯେ କାହା ସହ ଲଢ଼ିବା ? ଦେଶରେ ଯେତେବେଳେ ନିଜ ଘରେ ବିଶ୍ୱାସଘାତକ ରହିଛନ୍ତି ସେତେବେଳେ କଣ କରିବା |

ଏହି ଭିଡିଓଟି କେଉଁ ସ୍ଥାନର ବୋଲି ଜଣାପଡ଼ି ନଥିଲେ ବି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି | ବର୍ତ୍ତମାନ ସୁଦ୍ଧା ୭ ହଜାର ୩୦୦ ଥର ରିଟ୍ୱିଟ ହୋଇଥିବାବେଳେ ୧୮ ହଜାର ଲୋକ ପସନ୍ଦ କରିଛନ୍ତି | ଏହା ସହ ସମ୍ବିତ କହିଛନ୍ତି ଯେ ଆମ ଆଦମୀ ପାର୍ଟି, କଂଗ୍ରେସ, ଟିଏମସି ମିଶି ମୁସଲମାନମାନଙ୍କୁ ଉସୁକାଉଛନ୍ତି |