ସନ୍ଦୀପ ଘୋଷଙ୍କୁ ନିଲମ୍ବିତ କଲେ ପଶ୍ଚିମବଙ୍ଗ ସରକାର

କୋଲକାତା :  ଆରଜି କର ମେଡିକାଲ କଲେଜ ଦୁଷ୍କର୍ମ ଓ ହତ୍ୟା ମାମଲାକୁ ନେଇ ଚାପରେ ଥିବା ପଶ୍ଚିମବଙ୍ଗର ମମତା ବାନାର୍ଜୀ ସରକାର ବଡ ପଦକ୍ଷେପ ନେଇଛନ୍ତି । ପଶ୍ଚିମବଙ୍ଗ ସ୍ୱାସ୍ଥ୍ୟ ବିଭାଗ ଆରଜି କର ମେଡିକାଲ କଲେଜର ପୂର୍ବତନ ପ୍ରିନ୍ସିପାଲ ସନ୍ଦୀପ ଘୋଷଙ୍କୁ ନିଲମ୍ବିତ କରିଛି। ତାଙ୍କୁ ପଶ୍ଚିମବଙ୍ଗ ମେଡିକାଲ କାଉନସିଲରୁ ନିଲମ୍ବିତ କରାଯାଇଛି। 

ପଶ୍ଚିମବଙ୍ଗ ସ୍ୱାସ୍ଥ୍ୟ ବିଭାଗ ଆରଜି କର ମେଡିକାଲ କଲେଜର ପୂର୍ବତନ ପ୍ରିନ୍ସିପାଲ ସନ୍ଦୀପ ଘୋଷଙ୍କୁ ନିଲମ୍ବିତ କରିଛି। ତାଙ୍କୁ ପଶ୍ଚିମବଙ୍ଗ ମେଡିକାଲ କାଉନସିଲରୁ ନିଲମ୍ବିତ କରାଯାଇଛି। 

ଗତକାଲି ଆରଜି କର ହସ୍ପିଟାଲରେ ଆର୍ଥିକ ଅନିୟମିତତା ଅଭିଯୋଗରେ ସିବିଆଇ ସୋମବାର ସନ୍ଦୀପ ଘୋଷଙ୍କ ସମେତ ୪ ଜଣଙ୍କୁ ଗିରଫ କରିଥିଲା। କଲିକତା ହାଇକୋର୍ଟଙ୍କ ନିର୍ଦ୍ଦେଶକ୍ରମେ ସିବିଆଇ ଏହି ମାମଲାର ତଦନ୍ତ କରୁଛି।

ଗତ ଅଗଷ୍ଟ ୯ ତାରିଖରେ ଆରଜି କର ମେଡିକାଲ କଲେଜ ଓ ହସପିଟାଲରେ ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିଲା। ଏହି ମାମଲାରେ ସନ୍ଦୀପ ଘୋଷଙ୍କ ଭୂମିକା ସନ୍ଦେହଜନକ ବୋଲି କୁହାଯାଉଛି। ଏହି ମାମଲାରେ ସିବିଆଇ ତାଙ୍କୁ ଅନେକ ଥର ପଚରାଉଚରା ମଧ୍ୟ କରିଛି। ନିକଟରେ ସିବିଆଇ ଡାକ୍ତର ଘୋଷଙ୍କ ପଲିଗ୍ରାଫ୍ ଟେଷ୍ଟ ମଧ୍ୟ କରିଥିଲା। 

କୋଲକାତା ଦୁଷ୍କର୍ମ ମାମଲାକୁ ନେଇ ସମଗ୍ର ପଶ୍ଚିମବଙ୍ଗରେ ବିକ୍ଷୋଭ ପ୍ରଦର୍ଶନ କରାଯାଉଛି। ବିଜେପି ସମେତ ସମସ୍ତ ବିରୋଧୀ ଦଳ ସନ୍ଦୀପ ଘୋଷଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ଆସୁଥିଲେ। ଦୁଷ୍କର୍ମ ମାମଲାର ୨୬ ଦିନ ପରେ ପଶ୍ଚିମବଙ୍ଗ ସରକାର ପୂର୍ବତନ ପ୍ରଧାନ ଶିକ୍ଷକ ସନ୍ଦୀପ ଘୋଷଙ୍କୁ ନିଲମ୍ବିତ କରିଛନ୍ତି।