ମୁମ୍ବାଇ: ଆକ୍ରମଣର ୫ଦିନ ପରେ ଡାକ୍ତରଖାନାରୁ ଡିସଚାର୍ଜ ହେଇଛନ୍ତି ବଲିଉଡ ଷ୍ଟାର ସୈଫ ଅଲୀ ଖାନ୍ । ଜାନୁଆରି ୧୬ ତାରିଖରେ ସୈଫ ଅଲୀ ଖାନଙ୍କ ଘରେ ପଶି ଜଣେ ଦୁର୍ବୃତ୍ତ ତାଙ୍କୁ ଛୁରୀରେ ଆକ୍ରମଣ କରିଥିଲା। ଅଭିଯୁକ୍ତ ଜଣକ ଅଭିନେତାଙ୍କ ଉପରେ ଛଅ ଥର ଆକ୍ରମଣ କରିଥିଲା। ସେବେଠାରୁ ସୈଫ୍ ମୁମ୍ବାଇର ଲୀଳାବତୀ ହସ୍ପିଟାଲରେ ଭର୍ତ୍ତି ଥଲେ। ଡାକ୍ତରମାନେ ଅସ୍ତ୍ରୋପଚାର ମାଧ୍ୟମରେ ତାଙ୍କ ମେରୁଦଣ୍ଡରେ ଲାଗିଥିବା ଅଢ଼େଇ ଇଞ୍ଚର ଏକ ଛୁରୀ ଖଣ୍ଡ ମଧ୍ୟ ବାହାର କରିଥିଲେ ବୋଲି ଜଣାପଡ଼ିଛି। ତେବେ ଚିକିତ୍ସା ପରେ ଅଭିନେତାଙ୍କ ସ୍ୱାସ୍ଥ୍ୟାବସ୍ଥାରେ ଉନ୍ନତି ଆସିବାରୁ ମଙ୍ଗଳବାର ସେ ଘରକୁ ଫେରିଛନ୍ତି। ଆକ୍ରମଣ ୫ଦିନ ମଧ୍ୟରେ ସୁସ୍ଥ ହୋଇ ସୈଫ୍ ଘରକୁ ଫେରିବା ଜାଣି ପ୍ରଶ୍ନ ଉଠାଇଛନ୍ତି ଶିବସେନା ନେତା ସଞ୍ଜୟ ନିରୁପମ।
डॉक्टरों का कहना था कि
— Sanjay Nirupam (@sanjaynirupam) January 21, 2025
सैफ अली खान की पीठ में 2.5 इंच अंदर तक चाकू घुसा था।
संभवत: अंदर ही फँसा था।
लगातार 6 घंटे ऑपरेशन चला।
यह सब 16 जनवरी की बात है।
आज 21 जनवरी है।
अस्पताल से निकलते ही इतना फिट ?
सिर्फ़ 5 दिन में ?
कमाल है !#SaifAliKhanpic.twitter.com/7tCT9g0jx8
ଶିବସେନା ନେତା ସଞ୍ଜୟ ନିରୁପମ ତାଙ୍କ ଏକ୍ସ ଆକାଉଣ୍ଟରେ ସୈଫ ଅଲ୍ଲୀ ଖାନଙ୍କ ଏକ ଭିଡିଓ ସେୟାର କରିଛନ୍ତି। ଭିଡିଓର କ୍ୟାପସନରେ ଲେଖାଯାଇଛି, "ଡାକ୍ତରମାନେ କହିଥିଲେ ଯେ ଛୁରୀଟି ସୈଫ୍ ଅଲ୍ଲୀ ଖାନଙ୍କ ପିଠିରେ ୨.୫ ଇଞ୍ଚ ଗଭୀରକୁ ପଶିଯାଇଥିଲା। ସମ୍ଭବତଃ ଭିତରେ ପଶି ଯାଇଥିଲା। ଅପରେସନ୍ ଲଗାତାର ଛଅ ଘଣ୍ଟା ଧରି ଚାଲିଥିଲା ଏବଂ ଏସବୁ ଜାନୁଆରି ୧୬ ତାରିଖରେ ଘଟିଥିଲା। ଆଉ ଜାନୁଆରି ୨୧ରେ ତାଙ୍କୁ ଡିସଚାର୍ଜ କରିଦିଆଗଲା। ଡିସଚାର୍ଜ ହେଉ ହେଉ ସେ ଏତେ ଫିଟ୍ ? କେବଳ ପାଞ୍ଚ ଦିନରେ? ବହୁତ ଭଲ।"
ତାଙ୍କର ଏହି ପୋଷ୍ଟକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି।