ପୁଣି କଂଗ୍ରେସକୁ ଚେତାବନୀ ଦେଲେ ବରିଷ୍ଠ ନେତା ସଂଜୟ ନିରୂପମ
ମୁମ୍ବାଇ: ମହାରାଷ୍ଟ୍ରରେ ସରକାର ଗଠନ ନେଇ ଜାରି ଅଚଳାବସ୍ଥା ରହିଥିବା ବେଳେ ପୁଣି ଥରେ ପୂର୍ବତନ ମହାରାଷ୍ଟ୍ର କଂଗ୍ରେସ ଅଧ୍ୟକ୍ଷ ସଂଜୟ ନିରୂପମ ଏକ ବଡ଼ ବୟାନ ଦେଇଛନ୍ତି ।
ମହାରାଷ୍ଟ୍ରରେ କଂଗ୍ରେସ, ଶିବସେନା ଏବଂ ଏନସିପି ସହ ମିଶି ସରକାର ଗଠନର ଉଦ୍ୟମରେ ଲାଗିପଡିଥିବା ବେଳେ ସେ ଏହାକୁ ବିରୋଧ କରିଛନ୍ତି । ସଂଜୟ ନିରୂପମ କହିଛନ୍ତି ବର୍ଷେ ପୂର୍ବରୁ କଂଗ୍ରେସ ଉତ୍ତରପ୍ରଦେଶରେ ବିଏସପି ସହ ମେଣ୍ଟ କରି ଯେଉଁ ବଡ଼ ଭୁଲ୍ କରିଥିଲା,ପୁଣି ଥରେ ସେଭଳି ଭୁଲ ମହାରାଷ୍ଟ୍ରରେ ନ କରୁ ।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ସେତେବେଳେ ବିଏସପି ସହ ମେଣ୍ଟ କରି ଏଭଳି ଅବସ୍ଥାକୁ ଆସିଲା ଯେ, ବର୍ତ୍ତମାନ ବି ସେଠାରେ ନିଜର ସ୍ଥିତି ଜାହିର କରିପାରୁନି । ମହାରାଷ୍ଟ୍ରରେ ମଧ୍ୟ ଦଳ ସେହି ଭୁଲ୍ କରିବାକୁ ଯାଉଛି । ଶିବସେନାରେ ତୃତୀୟ ନମ୍ବରର ଦଳ ବନିବା କଂଗ୍ରେସ ପାଇଁ ମାଟିରେ ପୋତି ହେବା ଭଳି । କଂଗ୍ରେସ ଅଧ୍ୟକ୍ଷା କୌଣସି ଚାପରେ ନ ଆସି ଏଭଳି ନିଷ୍ପତ୍ତି ନ ନେବାକୁ କହିଛନ୍ତି ।
ସେ ତାଗିଦ କରିଛନ୍ତି ଯଦି ଶିବସେନା ସହ ମେଣ୍ଟ ହୁଏ ,ତେବେ କଂଗ୍ରେସ ମହାରାଷ୍ଟ୍ରରେ ଖତମ୍ ହୋଇଯିବ। କିନ୍ତୁ ବରିଷ୍ଠ ନେତା ସଂଜୟ ନିରୂପମଙ୍କ ଏହି ଚେତାବନୀକୁ ଦଳ ଗ୍ରହଣ କରିନଥିବା ଜଣାପଡ଼ିଛି ।