ଗୁଳି ଚଳାଇଥିବା ମୁଲାୟମଙ୍କୁ ପଦ୍ମ ବିଭୂଷଣ ଦେଲ, ଵାଲାସାହେବଙ୍କୁ କାହିଁକି ଦେଲ ନାହିଁ: ସଞ୍ଜୟ ରାଉତ
ମୁମ୍ବାଇ: ଗଣତନ୍ତ୍ର ଦିବସ ଅବସରରେ ପଦ୍ମ ପୁରସ୍କାର ପ୍ରାପ୍ତ ବ୍ୟକ୍ତିଙ୍କ ତାଲିକା ପ୍ରକାଶ ପାଇଥିଲା। ଏହି ତାଲିକାରେ ସମାଜବାଦୀ ପାର୍ଟି ପ୍ରତିଷ୍ଠାତା ମୁଲାୟମ ସିଂ ଯାଦବଙ୍କ ନାମ ମଧ୍ୟ ରହିଥିଲା। ତାଙ୍କୁ ପଦ୍ମ ବିଭୂଷଣ ପୁରସ୍କାର ପ୍ରଦାନ କରାଯିବ ବୋଲି ଘୋଷଣା କରାଯାଇଥିଲା। ତେବେ ବର୍ତ୍ତମାନ ଏହାକୁ ନେଇ ରାଜନୀତି ଆରମ୍ଭ ହୋଇଛି। ଅନେକ ହିନ୍ଦୁ ସଂଗଠନ ମୋଦୀ ସରକାରଙ୍କ ଏହି ନିଷ୍ପତ୍ତିକୁ ବିରୋଧ କରିଛନ୍ତି। ଉଦ୍ଧବ ଠାକରେ ଦଳର ଶିବସେନା ସାଂସଦ ସଞ୍ଜୟ ରାଉତ ମଧ୍ୟ ଏହାକୁ ତୀବ୍ର ବିରୋଧ କରିଛନ୍ତି। ସଞ୍ଜୟ ରାଉତ ଯଦିଓ ମୁଲାୟମ ସିଂ ଯାଦବଙ୍କୁ ଜଣେ ମହାନ ନେତା ବୋଲି ବର୍ଣ୍ଣନା କରିଛନ୍ତି, କିନ୍ତୁ ତାଙ୍କୁ ପଦ୍ମବିଭୂଷଣ ଦେବାକୁ ବିରୋଧ କରିଛନ୍ତି | ସଞ୍ଜୟ, ମୁଲାୟମଙ୍କୁ କର ସେବକମାନଙ୍କର ହତ୍ୟାକାରୀ ବୋଲି ଅଭିହିତ କରିଥିଲେ |
Sambad is now on WhatsApp
Join and get latest news updates delivered to you via WhatsApp
ଏହି ପ୍ରସଙ୍ଗରେ ରାଉତ ବିଜେପି ଏବଂ ସିନ୍ଦେ ଦଳକୁ ମଧ୍ୟ ଟାର୍ଗେଟ କରିଛନ୍ତି। ଏହି ପ୍ରସଙ୍ଗରେ ଉଦ୍ଧବ ଠାକରେଙ୍କ ଗୋଷ୍ଠୀ ଏକ ଆକ୍ରୋଶମୂଳକ ପଦଯାତ୍ରା କରିଥିଲେ। ସଞ୍ଜୟ ରାଉତ କହିଛନ୍ତି ଯେ ଏହି ପଦଯାତ୍ରା ହିଁ ପ୍ରମାଣିତ କରିଛି ଯେ ଶିବସେନା ଏବଂ ଶିବସେନା ଭବନ ହିନ୍ଦୁମାନଙ୍କ ପାଇଁ ଏକମାତ୍ର ଭରସା। କରସେବକଙ୍କୁ ହତ୍ୟା କରିଥିବା ମୁଲାୟମ ସିଂଙ୍କୁ କାହିଁକି ପଦ୍ମ ବିଭୂଷଣ ଦିଆଯିବ | ମୁଲାୟମ ସିଂଙ୍କୁ ବିଜେପି ମୌଲାନା ମୁଲାୟମ କହୁଥିଲା | ତେବେ ମୁଲାୟମଙ୍କ ବଦଳରେ ଏହି ପୁରସ୍କାର ଦୁଇ ହିନ୍ଦୁ-ହୃଦୟର ସମ୍ରାଟ, ବୀର ସାବରକର ଏବଂ ଶିବସେନା ମୁଖ୍ୟ ବାଲାସାହେବ ଠାକରେଙ୍କୁ ପ୍ରଦାନ କରାଯାଇ ନାହିଁ।