ଅଖିଳେଶଙ୍କୁ ଭେଟିଲେ ଆପ ନେତା ସଞ୍ଜୟ ସିଂହ, ଉତ୍ତରପ୍ରଦେଶ ରାଜନୀତିରେ ଜୋର ଧରିଲା ଚର୍ଚ୍ଚା
ଲଖନଉ: ଆଗାମୀ ବର୍ଷ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ହେବାକୁ ଥିବାବେଳେ ଏବେ ବିଭିନ୍ନ ଦଳର ନେତାମାନଙ୍କ ଭେଟଘାଟ ରାଜନୀତି ପାଣିପାଗକୁ ସରଗରମ କରିଛି | ଆଜି ଆମ୍ ଆଦମୀ ପାର୍ଟିର ସାଂସଦ ସଞ୍ଜୟ ସିଂ ପୂର୍ବତନ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବଙ୍କୁ ଭେଟିଥିଲେ। କୁହାଯାଉଛି ଯେ ଆଗାମୀ ବିଧାନସଭା ନିର୍ବାଚନ ପାଇଁ ଆମ ଆଦମୀ ପାର୍ଟି ଓ ସମାଜବାଦୀ ପାର୍ଟି ମଧ୍ୟରେ ମେଣ୍ଟ ହୋଇପାରେ |
Sambad is now on WhatsApp
Join and get latest news updates delivered to you via WhatsApp
ଗତକାଲି ବହୁଜନ ସମାଜ ପାର୍ଟି (ବିଏସପି) ସୁପ୍ରିମୋ ମାୟାବତୀ କହିଥିଲେ ଯେ ସମାଜବାଦୀ ପାର୍ଟିର ଏତେ ଅସହାୟ ହୋଇପଡିଛି ଯେ ଛୋଟ ଛୋଟ ଦଳ ସହ ମିଶି ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନରେ ଲଢ଼ିବ । ସେ କହିଛନ୍ତି ଯେ ସମାଜବାଦୀ ପାର୍ଟି ଏହା କରିବାକୁ ବାଧ୍ୟ ହୋଇଛି କାରଣ ଦେଶର ଅଧିକାଂଶ ପ୍ରମୁଖ ଦଳ ସମାଜବାଦୀ ପାର୍ଟି ସହ ଲଢ଼ିବାକୁ ଚାଁହୁନାହାନ୍ତି |
ମାୟାବତୀ ଟୁଇଟ୍ରରେ ଲେଖିଛନ୍ତି, ‘ସମାଜବାଦୀ ପାର୍ଟି ଅତ୍ୟନ୍ତ ସ୍ୱାର୍ଥପର, ବିଶେଷକରି ଦଳିତ ବିରୋଧୀ ଚିନ୍ତାଧାରା ଏବଂ କାର୍ଯ୍ୟଶୈଳୀ ପାଇଁ ଜଣାଶୁଣା। ତେଣୁ ଦେଶର ବଡ ବଡ ପାର୍ଟି ଏହା ସହ ନିର୍ବାଚନ ଲଢ଼ିବାକୁ ଇଚ୍ଛା ପ୍ରକାଶ କରୁନାହାନ୍ତି | ସୂଚନା ଥାଉ କି ଯେ ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ କିଛି ଦିନ ତଳେ କହିଥିଲେ ଯେ ୨୦୨୨ ବିଧାନସଭା ନିର୍ବାଚନରେ ସମାଜବାଦୀ ପାର୍ଟି ଛୋଟ ଦଳ ସହିତ ମିଶି ନିର୍ବାଚନ ଲଢ଼ିବ |