ସାଟେଲାଇଟ୍‌ ଚିତ୍ର କଲା ଖୁଲାସା: ଭାରତ, ଭୁଟାନ ଏବଂ ଚୀନ୍‌ର ଟ୍ରାଇ- ଜଙ୍କସନରେ ଚୀନ୍‌ ସେନା ନିର୍ମାଣ କରୁଛି ହେଲିପୋର୍ଟ

ନୂଆଦିଲ୍ଲୀ: ସୀମା ବିବାଦକୁ କେନ୍ଦ୍ର କରି ଭାରତ ଓ ଚୀନ୍‌ ମଧ୍ୟରେ ଉତ୍ତେଜନା ଓ ତିକ୍ତତା ବଢ଼ୁଥିବା ବେଳେ ଆଜି ଚୀନ୍‌ର ଆଉ ଏକ କଳା କାରନାମାର ପର୍ଦ୍ଦାଫାଶ ହୋଇଛି। ଚୀନ୍‌ ସେନା, ପିପୁଲସ୍‌ ଲିବରେସନ୍‌ ଆର୍ମି (ପିଏଲ୍‌ଏ) ଅତ୍ୟନ୍ତ ଗୋପନୀୟ ଭାବେ ସୀମାନ୍ତରେ ରହିଥିବା ଭାରତ, ଭୁଟାନ ଏବଂ ଚୀନ୍‌ର ତ୍ରି- ଜଙ୍ଗସନ୍‌ (ଟ୍ରାଇ- ଜଙ୍କସନରେ) ଏକ ହେଲିପୋର୍ଟ ନିର୍ମାଣ କରିଥିବା ନେଇ ଉପଗ୍ରହ ଚିତ୍ରରୁ ପ୍ରମାଣ ମିଳିଛି।

Suspected PLA heliport infrastructure spotted part of an ongoing investigation near the #Doklam region of the #India#China#Bhutan tri junction, this support unit could sustain all weather & rapid troop deployments in the sector along with improving surveillance operations https://t.co/aOeZ3deGzIpic.twitter.com/ycS32tFxJe

— d-atis☠️ (@detresfa_) August 31, 2020

ଉପଗ୍ରହଣରୁ ମିଳିଥିବା ଏହି ଚିତ୍ରରେ ଭାରତ, ଭୁଟାନ ଏବଂ ଚୀନ୍‌ ସୀମାର ତ୍ରି-ଜଙ୍କସନରେ ଏବଂ ଡୋକା ଠାରୁ ପ୍ରାୟ ୧୦୦ କିଲୋମିଟର ଦୂରରେ ନିର୍ମାଣାଧୀନ ସନ୍ଦିଗ୍ଧ ହେଲିପୋର୍ଟକୁ ଦର୍ଶାଯାଇଛି। ଓପନ୍‌ ସୋର୍ସ ସାଟେଲାଇଟ୍‌ ଚିତ୍ରଗୁଡ଼ିକରୁ ଚୀନ୍‌ ଦୁଇଟି ନୂତନ ବାୟୁ ପ୍ରତିରକ୍ଷା ଘାଟୀ ନିର୍ମାଣ କରୁଥିବା ଏକ ହେଲିପୋର୍ଟ ପରି ଦେଖାଯାଉଛି ଯାହା ଡୋକଲାମ ଏବଂ ସିକ୍କିମ୍‌ ସେକ୍ଟରରେ ବିବାଦୀୟ ସୀମାର ସମ୍ବେଦନଶୀଳ ସୀମାକୁ ଆଚ୍ଛାଦନ କରିରଖିଛି।
ଏହି ସନ୍ଦିଗ୍ଧ ହେଲିପୋର୍ଟଟି ଦୁଇ ପଟରୁ ପ୍ରାୟ ସମାନ ଦୂରତାରେ ଅବସ୍ଥିତ ରହିଛି। ଯେଉଁଠାରେ ପିପୁଲ୍‌ସ ଲିବରେସନ୍‌ ଆର୍ମି (ପିଏଲ୍‌ଏ) ଭୂପୃଷ୍ଠରୁ ବାୟୁ କ୍ଷେପଣାସ୍ତ୍ର ସୁବିଧା ବିକାଶ କରୁଛି। ଏବଂ ଚୀନ୍‌ର କ୍ଷେପଣାସ୍ତ୍ର ମଧ୍ୟକୁ ସିକ୍କିମ ଚାଲିଆସୁଛି।

ଚୀନ୍‌ର ଏହି ନୂତନ କ୍ଷେପଣାସ୍ତ୍ର ଘାଟୀ ନାକୁ ଲା (ନାକୁ ପାସ୍‌) ଠାରୁ ପ୍ରାୟ ୫୦ କିଲୋମିଟର ଦୂରରେ ଅବସ୍ଥିତ, ଯେଉଁଠାରେ ମେ ୯ ରେ ଦୁଇ ଦେଶର ସୈନ୍ୟ ସଂଘର୍ଷ କରିଥିଲେ। ଚୀନ୍‌ ଦ୍ୱାରା ହେଲିପୋର୍ଟ ଏବଂ କ୍ଷେପଣାସ୍ତ୍ର ଘାଟୀଗୁଡିକର ନିର୍ମାଣକୁ ନେଇ ଭାରତ ପକ୍ଷରୁ ଏଯାବତ୍‌ କୌଣସି ପ୍ରତିକ୍ରିୟା ପ୍ରକାଶ ପାଇ ନାହିଁ। ଲଦାଖ ସେକ୍ଟରର ପାଙ୍ଗଙ୍ଗ ହ୍ରଦର ଦକ୍ଷିଣ ପାର୍ଶ୍ୱରେ ଥିବା ଲାଇନ୍‌ ଅଫ୍‌ ଆକ୍‌ଚୁଆଲ୍‌ କଣ୍ଟ୍ରୋଲ୍‌ (ଏଲ୍‌ଏସି)ରେ ଚୀନ୍‌ ଏକପାଖିଆ ଭାବରେ ନିଜ ସ୍ଥିତିକୁ ପରିବର୍ତ୍ତନ କରିବା ପାଇଁ ଏପରି ପ୍ରୟାସ କରୁଥିବା କୁହାଯାଉଛି।