୨୮ଦିନ ଭିତରେ ଭାରତ ଫେରିବ ପଳାତକ ହୀରା ବ୍ୟବସାୟୀ ନିରବ ମୋଦୀ! ଅନୁମତି ଦେଲେ ଲଣ୍ଡନ ଅଦାଲତ
ନୂଆଦିଲ୍ଲୀ: ପଳାତକ ହୀରା ବ୍ୟବସାୟୀ ନିରବ ମୋଦୀଙ୍କ ପ୍ରତ୍ୟର୍ପଣ ନେଇ ଆଜି ଲଣ୍ଡନ କୋର୍ଟ ମଞ୍ଜୁରୀ ପ୍ରଦାନ କରିଛନ୍ତି । ମାମଲାର ଶୁଣାଣି କରି କୋର୍ଟ କହିଛନ୍ତି କି ଭାରତ ସରକାରଙ୍କ ଦ୍ୱାରା ପଠାଯାଇଥିବା ସମସ୍ତ ସାକ୍ଷୀଙ୍କୁ ସ୍ୱୀକାର କରାଯାଇଛି । ମୁଁ ଖୁସି ଯେ ନିରବ ମୋଦୀଙ୍କୁ ଦୋଷୀ ବୋଲି ପ୍ରମାଣ କରିବା ପାଇଁ ଯଥେଷ୍ଟ ପ୍ରମାଣ ରହିଛି। ଲଣ୍ଡନ କୋର୍ଟର ଏଭଳି ରାୟ ପରେ ଆସନ୍ତା ୨୮ଦିନ ମଧ୍ୟରେ ନିରବ ମୋଦୀକୁ ଭାରତକୁ ପ୍ରତ୍ୟର୍ପଣ କରିବାକୁ ହେବ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଏବେ ବି ଭାରତକୁ ପ୍ରତ୍ୟର୍ପଣ ନକରିବା ପାଇଁ ନିରବ ମୋଦି ପାଖରେ ୩ଟି ବାଟ ରହିଛି। ଗୋଟିଏ ହେଉଛି ନିରବ ମୋଦୀ ଲଣ୍ଡନର ହାଇକୋର୍ଟରେ ସ୍ଥାନୀୟ କୋର୍ଟର ନିଷ୍ପତ୍ତିକୁ ଚ୍ୟାଲେଞ୍ଜ କରିପାରିବେ । ଯଦି ହାଇକୋର୍ଟ ମଧ୍ୟ ସ୍ଥାନୀୟ କୋର୍ଟଙ୍କ ରାୟ ସହ ସହମତ ହୁଅନ୍ତି, ତେବେ ତାଙ୍କ ପାଖରେ ସୁପ୍ରିମକୋର୍ଟ ଯିବାର ବିକଳ୍ପ ରହିଛି।
ଦୁଇଟି ବିକଳ୍ପ ବ୍ୟତୀତ, ନିରବ ମୋଦୀ ପାଖରେ ତୃତୀୟ ବିକଳ୍ପ ମଧ୍ୟ ରହିଛି, ତାହା ହେଉଛି ମାନବିକ ଅଧିକାର। ଯଦି ନିରବ ମୋଦୀ ନିଜର ମାନସିକ ସ୍ବାସ୍ଥ୍ୟ ଏବଂ ମାନବିକ ଅଧିକାରକୁ ଭିତ୍ତି କରି କିମ୍ବା ଭାରତର ଜେଲରେ ପର୍ଯ୍ୟାପ୍ତ ସୁବିଧା ନାହିଁ ବୋଲି ବାହାନା କରନ୍ତି, ତେବେ ନିରବ ମୋଦୀ ବ୍ରିଟେନର ମାନବିକ ଅଧିକାର କୋର୍ଟକୁ ଯାଇପାରିବ। ଏହାର ଅର୍ଥ ହେଉଛି ଏହି ସମ୍ପୂର୍ଣ୍ଣ ପ୍ରକ୍ରିୟା ଆଉ ଏକରୁ ଦୁଇ ବର୍ଷ ନେଇପାରେ। ଯଦି ନିରବ ମୋଦୀ ଏହି ନିଷ୍ପତ୍ତିକୁ ଚ୍ୟାଲେଞ୍ଜ ନକରନ୍ତି, ତେବେ ତାଙ୍କୁ ୨୮ଦିନ ମଧ୍ୟରେ ଭାରତ ଅଣାଯିବ।