ଭୁବନେଶ୍ୱର: ସ୍ୱତନ୍ତ୍ର ପ୍ରତିରକ୍ଷା ବେତନ ପ୍ୟାକେଜ୍ ସ୍କିମ୍ ମାଧ୍ୟମରେ ଭାରତୀୟ ବାୟୁସେନା ପାଇଁ କାମ କରୁଥିବା ସମସ୍ତ କର୍ମଚାରୀ ଓ ଅବସରପ୍ରାପ୍ତ କର୍ମଚାରୀ ଏବଂ ସେମାନଙ୍କ ପରିବାର ପାଇଁ ସ୍ୱତନ୍ତ୍ର ଭାବେ ପ୍ରସ୍ତୁତ କରାଯାଇଥିବା ସୁବିଧା ଓ ସୁଯୋଗ ପ୍ରଦାନ କରିବା ଲାଗି ଭାରତୀୟ ଷ୍ଟେଟ୍ ବ୍ୟାଙ୍କ୍ (ଏସବିଆଇ) ପକ୍ଷରୁ ଭାରତୀୟ ବାୟୁ ସେନା ସହ ବୁଝାମଣାପତ୍ର (ଏମ୍ଓୟୁ) ସ୍ୱାକ୍ଷର କରାଯାଇଛି । ନୂଆଦିଲ୍ଲୀରେ ଏୟାର ଚିଫ୍ ମାର୍ଶଲ ଭି ଆର୍ ଚୌଧୁରୀ, ଏୟାର ମାର୍ଶଲ କେ ଅନନ୍ତରମଣ, ଏୟାର ଅଫିସର ଇନଚାର୍ଜ ଓ ଏୟାର ଭାଇସ୍ ମାର୍ଶଲ ଅଶୋକ ସଇନି, ଆସିଷ୍ଟାଂଟ୍ ଚିଫ୍ ଅଫ୍ ଏୟାର ଷ୍ଟାଫ୍ ସ୍ୱାମିନାଥନ୍ ଜେ, ଷ୍ଟେଟ ବ୍ୟାଙ୍କ ପରିଚାଳନା ନିର୍ଦ୍ଦେଶକ ପି ସି କାଣ୍ଡପାଲ୍, ଉପ ପରିଚାଳନା ନିର୍ଦେଶକ ଦେବେନ୍ଦ୍ର କୁମାର ଓ ଏୟାର ଭାଇସ୍ ମାର୍ଶଲ ଏ କେ ସିଂହଙ୍କ ଉପସ୍ଥିତିରେ ଏହି ବୁଝାମଣାପତ୍ର ସ୍ୱାକ୍ଷରିତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ମାଗଣା ଦୁର୍ଘଟଣା ବୀମା, ବାୟୁ ଦୁର୍ଘଟଣା ବୀମା ଏବଂ କର୍ତବ୍ୟ ପାଳନ ସମୟରେ ମୃତ୍ୟୁ ପାଇଁ ଅତିରିକ୍ତ ସୁରକ୍ଷା, ସ୍ଥାୟୀ ଭାବେ ସମ୍ପୂର୍ଣ୍ଣ ଦିବ୍ୟାଙ୍ଗ/ ଆଂଶିକ ଦିବ୍ୟାଙ୍ଗ ପାଇଁ ମଧ୍ୟ ବୀମା ସୁବିଧା ଭଳି ବହୁ ପ୍ରକାର ଲାଭ ଷ୍ଟେଟ ବ୍ୟାଙ୍କ ପ୍ରଦାନ କରୁଛି । ବାୟୁ ସେନା କର୍ମଚାରୀଙ୍କ ମୃତ୍ୟୁ ଭଳି ମାମଲାରେ ତାଙ୍କ ପିଲାଙ୍କ ଶିକ୍ଷା ଓ ବାଳିକା ଶିଶୁର ବିବାହ ପାଇଁ ସ୍ୱତନ୍ତ୍ର ସୁବିଧା ପ୍ରଦାନ କରାଯାଉଛି । ଏହି ପ୍ୟାକେଜରେ ଅବସରପ୍ରାପ୍ତ ବାୟୁ ସେନା କର୍ମଚାରୀଙ୍କୁ ତାଙ୍କ ବୟସ ଯାହା ହୋଇଥାଉ ନା କାହିଁକି ମାଗଣା ବ୍ୟକ୍ତିଗତ ଦୁର୍ଘଟଣା ବୀମା ସୁବିଧା ପ୍ରଦାନ କରାଯାଉଛି । ପେନସନଭୋଗୀ ପରିବାରକୁ ମଧ୍ୟ ବହୁ ସୁବିଧା ପ୍ରଦାନ କରାଯାଉଛି ।