ଜୁନ ୧୫ ସୁଦ୍ଧା ଅଫିସ ଖାଲି କର, ଆପକୁ ନିର୍ଦ୍ଦେଶ ଦେଲେ ସୁପ୍ରିମକୋର୍ଟ

ନୂଆଦିଲ୍ଲୀ: କୋର୍ଟର ଜମିରେ ନିଜ ଅଫିସ ତିଆରି କରି ଅଡ଼ୁଆରେ ଫସିଯାଇଛି ଆମ୍ ଆଦମୀ ପାର୍ଟି । ଦଳକୁ ନିଜର ଅଫିସ ଖାଲ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ତେବେ ନିର୍ବାଚନକୁ ଦୃଷ୍ଟିରେ ରଖି କୋର୍ଟ ଜୁନ୍ ୧୫ ତାରିଖ ପର୍ଯ୍ୟନ୍ତ ସମୟ ଦେଇଛନ୍ତି।

ଆମ୍ ଆଦମୀ ପାର୍ଟି ବିରୋଧରେ ଅଭିଯୋଗ ହୋଇଥିଲା ଯେ ରାଉସ୍ ଆଭେନ୍ୟୁ କୋର୍ଟକୁ ଦିଆଯାଇଥିବା ଜମିରେ ସେମାନଙ୍କ କାର୍ଯ୍ୟାଳୟ ନିର୍ମାଣ କରାଯାଇଛି। ଏହି ମାମଲାରେ ଦିଲ୍ଲୀ ହାଇକୋର୍ଟ ମଧ୍ୟ ତୀବ୍ର ଅସନ୍ତୋଷ ପ୍ରକାଶ କରିବା ସହ କାର୍ଯ୍ୟାଳୟ ଖାଲି କରିବାକୁ କହିଥିଲେ। ଏହି ନିଷ୍ପତ୍ତି ବିରୋଧରେ ଆପ୍ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲା। କିନ୍ତୁ ଦଳ ଏବେ ସୁପ୍ରିମକୋର୍ଟରେ ବି ନିରାଶ ହୋଇଛି । ଏବେ ସୁପ୍ରିମକୋର୍ଟ ଏହି କାର୍ଯ୍ୟାଳୟ ଖାଲି କରିବାକୁ କହିଛନ୍ତି। ଏଥିସହ ଆପ୍ ନୂଆ ପଦ ପାଇଁ ସରକାରଙ୍କ ନିକଟରେ ଆବେଦନ କରିପାରିବ ବୋଲି କୋର୍ଟ କହିଛନ୍ତି।

ଅଦାଲତ ଏହା ମଧ୍ୟ କହିଛନ୍ତି ଯେ ସମ୍ପୃକ୍ତ ବିଭାଗ ଆପ୍ ର ଆବେଦନ ଉପରେ ୪ ସପ୍ତାହ ମଧ୍ୟରେ ନିଷ୍ପତ୍ତି ନିଅନ୍ତୁ। କୋର୍ଟଙ୍କୁ ଜମି ଆବଣ୍ଟନ ହୋଇସାରିଛି ବୋଲି କୋର୍ଟ ସ୍ପଷ୍ଟ କରିଛନ୍ତି। ସେହି ଜମିରେ ହାଇକୋର୍ଟ କର୍ମଚାରୀଙ୍କ ଆବାସିକ ପରିସର ନିର୍ମାଣ କରାଯିବ। ଆପଣ ସେଠାରେ ଦଳୀୟ କାର୍ଯ୍ୟାଳୟ ଚଳାଇ ପାରିବେ ନାହିଁ।