ଚିଦମ୍ବରମଙ୍କ ଅନ୍ତରୀଣ ସୁରକ୍ଷା ସମୟ ଆସନ୍ତା କାଲି ପର୍ଯ୍ୟନ୍ତ ବଢାଇଲେ କୋର୍ଟ
ନୂଆଦିଲ୍ଲୀ : ସୁପ୍ରିମକୋର୍ଟ ଆଜି ପୂର୍ବତନ ଅର୍ଥମନ୍ତ୍ରୀ ପି.ଚିଦମ୍ବରମଙ୍କ ଅନ୍ତରୀଣ ସୁରକ୍ଷା ସମୟକୁ ଆସନ୍ତା କାଲି ପର୍ଯ୍ୟନ୍ତ ବଢାଇଦେଇଛନ୍ତି । ଅର୍ଥାତ ଆସନ୍ତା କାଲି ପର୍ଯ୍ୟନ୍ତ ଏନଫୋର୍ସମେଣ୍ଟ ଡାଇରେକ୍ଟରେଟ ବା ଇଡି ଚିଦମ୍ବରମଙ୍କୁ ଗିରଫ କରିପାରିବ ନାହିଁ । ଜଷ୍ଟିସ ଆର.ଭାନୁମତୀ ଓ ଜଷ୍ଟିସ ଏଏସ ବୋପାନ୍ନାଙ୍କୁ ନେଇ ଗଠିତ ଖଣ୍ଡପୀଠ ଏହି ରାୟ ଶୁଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଇଡି ପକ୍ଷରୁ ଲଢୁଥିବା ସଲିସିଟର ଜେନେରାଲ ତୁଷାର ମେହେତା କୋର୍ଟଙ୍କୁ ଜଣାଇଛନ୍ତି ଯେ ଚିଦମ୍ବରମ ଭିକ୍ଟିମ କାର୍ଡ ଖେଳୁଛନ୍ତି ଯେପରିକି ଇଡି ତାଙ୍କୁ ଗିରଫ କରିପାରିବ ନାହିଁ । ଇଡି ଓ ସିବିଆଇ ତାଙ୍କୁ ବିନା କାରଣରେ ଟାର୍ଗେଟ କରୁନାହାନ୍ତି, ସେ ବେଆଇନ ଅର୍ଥ କାରବାରରେ ଲିପ୍ତ ଥିବାର ନିର୍ଦ୍ଦିଷ୍ଟ ଓ ଅକାଟ୍ୟ ପ୍ରମାଣ ସିବିଆଇ ଓ ଇଡି ନିକଟରେ ରହିଛି । ଇଡି ପକ୍ଷରୁ କୁହାଯାଇଛି ଯେ କିପରି ବେଆଇନ ଅର୍ଥ କାରବାର ହୋଇଥିଲା ଓ କେଉଁମାନେ ସଂପୃକ୍ତ ତାହାର ପ୍ରମାଣ ରହିଛି । ଏବେ ମଧ୍ୟ ଏହି କାରବାର ଚାଲିଛି ।