ନୂଆଦିଲ୍ଲୀ: ପଶ୍ଚିମବଙ୍ଗରେ ବିଧାନସଭା ନିର୍ବାଚନ ଫଳାଫଳ ପରେ ହିଂସା ଘଟଣାରେ ଦୁଇ ବିଜେପି କର୍ମୀଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା । ଏହି ଦୁଇ କର୍ମୀଙ୍କର ପରିବାର ସିବିଆଇ ତଦନ୍ତ ପାଇଁ ସୁପ୍ରିମକୋର୍ଟରେ ଆବେଦନ କରିଥିଲେ। ତେବେ ଏହି ଆବେଦନ ଉପରେ ଶୁଣାଣି ପୂର୍ବରୁ ସୁପ୍ରିମକୋର୍ଟର ବିଚାରପତି ଜଷ୍ଟିସ ଇନ୍ଦିରା ବାନାର୍ଜୀ ଏହି ମାମଲାରୁ ତାଙ୍କ ନାମ ପ୍ରତ୍ୟାହାର କରି ନେଇଛନ୍ତି। ଶୁକ୍ରବାର ଦିନ ସେ ଏ ବିଷୟରେ ସୂଚନା ଦେଇଛନ୍ତି। ସେ କହିଛନ୍ତି ଯେ ମୁଁ ଏହି ମାମଲାର ଶୁଣାଣି କରିବାକୁ ଚାହୁଁ ନାହିଁ, ତେଣୁ ମୁଁ ଏହି ମାମଲାରୁ ମୋର ନାମ ପ୍ରତ୍ୟାହାର କରୁଛି। ସୂଚନା ଥାଉ କି ଯେ ଜଷ୍ଟିସ ଇନ୍ଦିରା ବାନାର୍ଜୀ କୋଲକାତାର ବାସିନ୍ଦା ହୋଇଥିବାବେଳେ ଏହି ମାମଲାରୁ ଓହରିଯିବା ପରେ ବର୍ତ୍ତମାନ ଏହି ମାମଲା ଅନ୍ୟ ଏକ ବେଞ୍ଚକୁ ପଠାଯିବ।
Sambad is now on WhatsApp
Join and get latest news updates delivered to you via WhatsApp
ଇନ୍ଦିରା ବାନାର୍ଜୀଙ୍କ ବ୍ୟତୀତ ଜଷ୍ଟିସ ଏମଆର ଶାହା ମଧ୍ୟ ଏହି ବେଞ୍ଚରେ ଥିଲେ। ସୂଚନା ଥାଉ କି ଯେ ପଶ୍ଚିମବଙ୍ଗ ହିଂସା ମାମଲାରେ ମଧ୍ୟ ରାଜ୍ୟ ସରକାରଙ୍କଠାରୁ ଜବାବ ତଲବ କରାଯାଇଥିଲା । ଏହାର ଜବାବରେ ପଶ୍ଚିମବଙ୍ଗ ସରକାର କହିଥିଲେ ଯେ ନିର୍ବାଚନ ପରବର୍ତ୍ତୀ ସମସ୍ତ ହିଂସାକୁ ନିର୍ବାଚନୀ ପରବର୍ତ୍ତୀ ହିଂସା ବୋଲି କୁହାଯାଇପାରିବ ନାହିଁ।
ଗତ ମାସରେ ସୁପ୍ରିମକୋର୍ଟରେ ଦାଖଲ ହୋଇଥିବା ଏକ ଆଫିଡେଭିଟ୍ରେ ମମତା ବାନାର୍ଜୀଙ୍କ ସରକାର କହିଥିଲେ ଯେ ଦୁଇ ଜଣ ବିଜେପି କର୍ମୀଙ୍କ ହତ୍ୟା ଅଭିଯୋଗରେ ତିନି ଅଭିଯୁକ୍ତଙ୍କୁ ଗିରଫ କରାଯାଇଛି। ଏଥି ସହ ସେ କହିଥିଲେ ଯେ ଏହି ଯାଚିକାଗୁଡିକ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ହୋଇଥିବାରୁ ଏଗୁଡ଼ିକୁ ଖାରଜ କରାଯିବା ଉଚିତ।