ମସଜିଦରେ ମହିଳାଙ୍କ ପ୍ରବେଶ ଅଧିକାର ସମ୍ପର୍କୀତ ମାମଲା ସୁପ୍ରିମକୋର୍ଟରେ ଖାରଜ
ନୂଆଦିଲ୍ଲୀ : ମସଜିଦରେ ମହିଳାଙ୍କ ପ୍ରବେଶକୁ ନେଇ ଆଗତ ଏକ ମାମଲାକୁ ଖାରଜ କରିଦେଇଛନ୍ତି ସୁପ୍ରିମକୋର୍ଟ । ଏ ସଂପର୍କରେ ହିନ୍ଦୁ ମହାସଭା-କେରଳ ଶାଖା ପକ୍ଷରୁ ଏକ ମାମଲା ରୁଜ୍ଜୁ କରାଯାଇଥିଲା । କିନ୍ତୁ ମସଜିଦରେ ମହିଳାଙ୍କ ପ୍ରବେଶ ପ୍ରସଙ୍ଗରେ ହିନ୍ଦୁମହାସଭା ଏକ ପ୍ରଭାବିତ ପକ୍ଷ ନୁହେଁ ବୋଲି କୋର୍ଟ କହିବା ସହ ମାମଲାକୁ ରଦ୍ଦ କରିଦେଇଛନ୍ତି । ଏକ ମୌଳିକ ଅଧିକାର ହନନ ମାମଲାରେ ପ୍ରଥମେ କେଉଁ ଅଧିକାରର ହନନ ହେଲା ତାହା ଦର୍ଶାଯିବା ଆବଶ୍ୟକ । କିନ୍ତୁ ଏ କ୍ଷେତ୍ରରେ ସେ ସଂପର୍କିତ ପ୍ରମାଣ ସଂଲଗ୍ନ ହୋଇନାହିଁ ।
Sambad is now on WhatsApp
Join and get latest news updates delivered to you via WhatsApp
ସାବରିମାଲା ମାମଲାରେ ମହିଳାଙ୍କ ପ୍ରବେଶ ନେଇ ସୁପ୍ରିମକୋର୍ଟ ଗତ ବର୍ଷ ଅନୁମତି ଦେବା ପରେ ମସଜିଦରେ ମହିଳାଙ୍କ ପ୍ରବେଶ ଦାବି କରି ଅଖିଳଭାରତ ହିନ୍ଦୁ ମହାସଭା-କେରଳ ଶାଖା ପକ୍ଷରୁ କେରଳ ହାଇକୋର୍ଟରେ ଏକ ମାମଲା ରୁଜ୍ଜୁ କରାଯାଇଥିଲା । କିନ୍ତୁ କେରଳ ହାଇକୋର୍ଟ ଏହାକୁ ଖାରଜ କରିଦେଇଥିଲେ । ଏହା ବିରୋଧରେ ହିନ୍ଦୁମହାସଭା ସୁପ୍ରିମକୋର୍ଟକୁ ଯାଇଥିଲା ।