ସେଣ୍ଟ୍ରାଲ ଭିସ୍ତା ପ୍ରକଳ୍ପ ସଂପର୍କିତ ମାମଲା ସୁପ୍ରିମକୋର୍ଟରେ ଖାରଜ
ନୂଆଦିଲ୍ଲୀ : ଲ୍ୟୁଟେନ୍ସ ଦିଲ୍ଲୀରେ ନିର୍ମାଣ ହେଉଥିବା ସେଣ୍ଟ୍ରାଲ ଭିସ୍ତା ପ୍ରକଳ୍ପ ସଂପର୍କିତ ଏକ ମାମଲାକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି । ସେଣ୍ଟ୍ରାଲ ଭିସ୍ତା ପ୍ରକଳ୍ପ ଅଧିନରେ ଆସୁଥିବା ଏକ ପ୍ଲଟର କିସମ ପରିବର୍ତ୍ତନକୁ ଚ୍ୟାଲେଞ୍ଜ କରି ଏକ ମାମଲା ସୁପ୍ରିମକୋର୍ଟରେ ରୁଜ୍ଜୁ ହୋଇଥିଲା । ଏହି ପ୍ଲଟରେ ଉପରାଷ୍ଟ୍ରପତିଙ୍କ ବାସଭବନ ନିର୍ମାଣ ହେବ ।
Sambad is now on WhatsApp
Join and get latest news updates delivered to you via WhatsApp
ମାମଲାର ଶୁଣାଣି କରି ଜଷ୍ଟିସ ଏଏମ ଖାନଓ୍ବିଲକରଙ୍କୁ ନେଇ ଗଠିତ ଏକ ଖଣ୍ଡପୀଠ କହିଛନ୍ତି ଯେ ଜମି କିସମ ପରିବର୍ତ୍ତନ ସପକ୍ଷରେ ସରକାରୀ ପକ୍ଷଙ୍କ ଦ୍ବାରା ସନ୍ତୋଷଜନକ ଜବାବ ରଖାଯାଇଛି । ଏଣୁ ମାମଲାକୁ ଆଉ ଆଗେଇବାର କୌଣସି କାରଣ ନାହିଁ ।
୨୦୧୯ରେ ଘୋଷିତ ସେଣ୍ଟ୍ରାଲ ଭିସ୍ତା ପ୍ରକଳ୍ପ ଅଧିନରେ ଏକ ତ୍ରିକୋଣୀୟ ସଂସଦ ଭବନ ନିର୍ମାଣର ବ୍ୟବସ୍ଥା ରହିଛି । ଏଥିରେ ୮୦୦ରୁ ୧୨ ଶହ ସାଂସଦ ବସିବାର ବ୍ୟବସ୍ଥା ରହିଛି । ୨୦୨୨ ଅଗଷ୍ଟରେ ଭାରତ ନିଜର ସ୍ବାଧୀନତାରେ ୭୫ ତମ ବର୍ଷ ପାଳନ କରିବା ସମୟରେ ଏହାର ଉଦଘାଟନ ହେବାର ଯୋଜନା ରହିଛି । ଏହି ପ୍ରକଳ୍ପର ଆଉ ଏକ ପ୍ରମୁଖ ଅଂଶ କେନ୍ଦ୍ରୀୟ ସଚିବାଳୟ ଭବନର ନିର୍ମାଣ ୨୦୨୪ ସୁଦ୍ଧା ଶେଷ ହେବ । ସମୁଦାୟ ପ୍ରକଳ୍ପଟି ରାଷ୍ଟ୍ରପତି ଭବନରୁ ଇଣ୍ଡିଆ ଗେଟ୍ ପର୍ଯ୍ୟନ୍ତ ପ୍ରାୟ ୩ କିଲୋମିଟର ଦୀର୍ଘ ରହିବ ।