ଉତ୍ତରପ୍ରଦେଶ ଶିକ୍ଷକ ନିଯୁକ୍ତି ମାମଲା, ହାଇକୋର୍ଟଙ୍କ ରାୟ ଉପରେ ରୋକ ଲଗାଇଲେ ସୁପ୍ରିମକୋର୍ଟ

ନୂଆଦିଲ୍ଲୀ: ୟୁପିରେ ୬୯ ହଜାର ସହକାରୀ ଶିକ୍ଷକ ନିଯୁକ୍ତି ପ୍ରସଙ୍ଗ ନୂଆ ମୋଡ଼ ନେଇଛି। ଆହ୍ଲାବାଦ ହାଇକୋର୍ଟଙ୍କ ଆଦେଶ ଉପରେ ସୁପ୍ରିମକୋର୍ଟ ରୋକ୍ ଲଗାଇଛନ୍ତି। ଏହା ସହିତ ସର୍ବୋଚ୍ଚ କୋର୍ଟ ରାଜ୍ୟ ସରକାର ଓ ଉଭୟ ପକ୍ଷଙ୍କୁ ଲିଖିତ ଯୁକ୍ତି ଉପସ୍ଥାପନ କରିବାକୁ କହିଛନ୍ତି। ଶୁଣାଣି ସମୟରେ ପ୍ରଧାନମନ୍ତ୍ରୀ ଡିଓ୍ବାଇ ଚନ୍ଦ୍ରଚୂଡ଼ କହିଛନ୍ତି ଯେ ହାଇକୋର୍ଟଙ୍କ ନିଷ୍ପତ୍ତି ବର୍ତ୍ତମାନ ପାଇଁ ସ୍ଥଗିତ ରହିବ ଏବଂ ପରବର୍ତ୍ତୀ ଶୁଣାଣି ସେପ୍ଟେମ୍ବର ୨୫ରେ ହେବ। ପ୍ରଧାନ ବିଚାରପତି ସମସ୍ତ ସମ୍ପୃକ୍ତ ପକ୍ଷଙ୍କୁ ଲିଖିତ ଯୁକ୍ତି ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି।

ସରକାର ଏବଂ ଉଭୟ ସଂପୃକ୍ତ ପକ୍ଷଙ୍କୁ ଲିଖିତ ଯୁକ୍ତି ଉପସ୍ଥାପନ କରିବାକୁ ନିର୍ଦ୍ଦେଶ ଦେଇ ପ୍ରଧାନ ବିଚାରପତି କହିଛନ୍ତି ଯେ ଅଦାଲତ ଶେଷରେ ଏହି ମାମଲାର ଶୁଣାଣି କରିବେ। ମାମଲା ଓ ଶୃଙ୍ଖଳାର ଆଇନଗତ ଦିଗକୁ ସେ ଯାଞ୍ଚ କରିବେ।

ସରକାର ଏବଂ ଉଭୟ ସଂପୃକ୍ତ ପକ୍ଷଙ୍କୁ ଲିଖିତ ଯୁକ୍ତି ଉପସ୍ଥାପନ କରିବାକୁ ନିର୍ଦ୍ଦେଶ ଦେଇ ପ୍ରଧାନ ବିଚାରପତି କହିଛନ୍ତି ଯେ ଅଦାଲତ ଶେଷରେ ଏହି ମାମଲାର ଶୁଣାଣି କରିବେ। ମାମଲା ଓ ଶୃଙ୍ଖଳାର ଆଇନଗତ ଦିଗକୁ ସେ ଯାଞ୍ଚ କରିବେ। ହାଇକୋର୍ଟଙ୍କ ନିଷ୍ପତ୍ତିକୁ ଅଧ୍ୟୟନ କରିବା ପାଇଁ ଅଦାଲତଙ୍କୁ ସମୟ ଦରକାର। ଏଭଳି ସ୍ଥିତିରେ ହାଇକୋର୍ଟଙ୍କ ନିଷ୍ପତ୍ତି ସେପର୍ଯ୍ୟନ୍ତ ସ୍ଥଗିତ ରହିବ। 

ସର୍ବୋଚ୍ଚ ନ୍ୟାୟାଳୟ ଉଭୟ ପକ୍ଷଙ୍କୁ ସର୍ବାଧିକ ୭ ପୃଷ୍ଠାରେ ସେମାନଙ୍କର ଲିଖିତ ଯୁକ୍ତି ଦାଖଲ କରିବାକୁ କହିଛନ୍ତି। ଏଥିପାଇଁ କୋର୍ଟ ୨ ଜଣ ନୋଡାଲ ଓକିଲଙ୍କୁ ମଧ୍ୟ ସ୍ଥିର କରିଛନ୍ତି। ଏଥିସହିତ ୟୁପି ସରକାରଙ୍କୁ ମଧ୍ୟ ଏହି ମାମଲାରେ ଜବାବ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି।

ଉଲ୍ଲେଖଯୋଗ୍ୟ, ଆହ୍ଲାବାଦ ହାଇକୋର୍ଟ ତାଙ୍କ ରାୟରେ ଜୁନ୍ ୨୦୨୦ ଏବଂ ଜାନୁଆରୀ ୨୦୨୨ର ଜାରି ଚୟନ ତାଲିକାକୁ ବାତିଲ କରିବା ସହ ୨୦୧୯ରେ ଅନୁଷ୍ଠିତ ସହକାରୀ ଶିକ୍ଷକ ନିଯୁକ୍ତି ପରୀକ୍ଷା ଆଧାରରେ ୩ ମାସ ମଧ୍ୟରେ ୬୯ ହଜାର ଶିକ୍ଷକଙ୍କ ପାଇଁ ଏକ ନୂତନ ଚୟନ ତାଲିକା ପ୍ରକାଶ କରିବାକୁ ୟୁପି ସରକାରଙ୍କୁ ନିର୍ଦ୍ଦେଶ ଦେଇଥିଲେ।