ଯଦି ମହିଳା-ପୁରୁଷ ଏକାଠି ରୁହନ୍ତି, ତାଙ୍କ ସନ୍ତାନର ସମ୍ପତ୍ତି ଅଧିକାର ଅଛି ନା ନାହିଁ? ରାୟ ଦେଲେ ସୁପ୍ରିମକୋର୍ଟ
ନୂଆଦିଲ୍ଲୀ: ସୁପ୍ରିମକୋର୍ଟ କେରଳ ହାଇକୋର୍ଟର ଏକ ରାୟକୁ ଖାରଜ କରିଦେଇଛନ୍ତି | କେରଳ ହାଇକୋର୍ଟ ତାଙ୍କ ଆଦେଶରେ କହିଥିଲେ ଯେ ବିବାହର ପ୍ରମାଣ ଅଭାବରୁ ଦୀର୍ଘ ଦିନ ଧରି ଏକାଠି ରହୁଥିବା ଜଣେ ପୁରୁଷ ଓ ମହିଳାଙ୍କ ଅବୈଧ ପୁତ୍ର ପୈତୃକ ସମ୍ପତ୍ତି ଅଧିକାର ପାଇବାକୁ ଯୋଗ୍ୟ ନୁହଁନ୍ତି। ତେବେ ଏହାକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି | ସୁପ୍ରିମକୋର୍ଟ କହିଛନ୍ତି ଯେ ଯଦି ଜଣେ ପୁରୁଷ ଏବଂ ସ୍ତ୍ରୀ ଦୀର୍ଘ ଦିନ ଧରି ସ୍ୱାମୀ-ସ୍ତ୍ରୀ ଭାବରେ ଏକାଠି ରହିଥା’ନ୍ତି, ତେବେ ସେମାନେ ବିବାହିତ ବୋଲି ଧରାଯିବ |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ କେରଳର ଏର୍ଣ୍ଣାକୁଲମରେ ଏକ ମାମଲାକୁ ନେଇ କେରଳ ହାଇକୋର୍ଟର ୨୦୦୯ ର ଏକ ରାୟ ବିରୁଦ୍ଧରେ ନିଷ୍ପତ୍ତି ନିଆଯାଇଛି | ଯାହା ପୁରୁଷ ଏବଂ ମହିଳାଙ୍କ ମଧ୍ୟରେ ଦୀର୍ଘ ସମ୍ପର୍କ ମଧ୍ୟରେ ଜନ୍ମିତ ଉତ୍ତରାଧିକାରୀଙ୍କୁ ପୈତୃକ ସମ୍ପତ୍ତି ମିଳିବ ନାହିଁ ବୋଲି କୁହାଯାଇଥିଲା | ହାଇକୋର୍ଟଙ୍କ ମତରେ ଯେ ଯଦି ମହିଳା-ପୁରୁଷ ଜଣେ ଅବୈଧ ସନ୍ତାନକୁ ଜନ୍ମ କରନ୍ତି, ତେବେ ତାଙ୍କର ସେହି ସନ୍ତାନ ପୈତୃକ ସମ୍ପତ୍ତିରେ ଅଧିକାର ପାଇବେ ନାହିଁ।
ଏହାକୁ ଖାରଜ କରି ସୁପ୍ରିମକୋର୍ଟ କହିଛନ୍ତି ଯେ ଯଦି ଜଣେ ପୁରୁଷ ଏବଂ ସ୍ତ୍ରୀ ଦୀର୍ଘ ଦିନ ଧରି ଏକାଠି ରହୁଛନ୍ତି, ତେବେ ତାଙ୍କ ମଧ୍ୟରେ ବିବାହ ହୋଇଯାଇଛି ବୋଲି ଅନୁମାନ କରାଯାଇପାରେ | ଯେହେତୁ ଉଭୟ ଶାରୀରିକ ସମ୍ପର୍କ ରଖୁଥିଲେ, ତେଣୁ ସେମାନଙ୍କ ସନ୍ତାନ ପୈତୃକ ଅଧିକାର ପାଇବ |