ନୂଆଦିଲ୍ଲୀ: ଆସନ୍ତାକାଲିଠାରୁ ମଣିପୁରରେ ସମସ୍ତ ସରକାରୀ ସ୍କୁଲ୍‌, ସରକାରୀ ଅନୁଦାନପ୍ରାପ୍ତ ସ୍କୁଲ୍‌ ଏବଂ ଘରୋଇ ସ୍କୁଲ୍‌ ଖୋଲିବ। ମଣିପୁର ସରକାର ଆଜି ଏନେଇ‌ ଘୋଷଣା କରିଛନ୍ତି। ରାଜ୍ୟ ଶିକ୍ଷା ନିର୍ଦ୍ଦେଶକ ଏଲ୍‌ ନଦକୁମାର ସିଂହ ଆଜି ଏକ ବିଜ୍ଞପ୍ତି ଜାରି କରି ଏହି ସୂଚନା ଦେଇଛନ୍ତି। ଅନ୍ୟପକ୍ଷେ ବୁଧବାର ରାତିରେ ମଣିପୁରର ଇମ୍ଫାଲ ପଶ୍ଚିମ ଜିଲ୍ଲାରେ ଆଜି ସଦ୍ୟ ହିଂସା ଉପୁଜିଛି ଏବଂ ବିଶୃଙ୍ଖଳ ଜନତା ୨ଟି ଘରେ ନିଆଁ ଲଗାଇ ଦେଇଛନ୍ତି। ଅଭିଯୁକ୍ତମାନେ ୨ଟି ଘରେ ନିଆଁ ଲଗାଇବାପରେ ସ୍ଥାନ ଛାଡ଼ି ପଳାଇଥିବା ବେଳେ ଏହି ଘଟଣା ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି କରିଛି। ସଙ୍ଗେସଙ୍ଗେ ଅଗ୍ନି ନିର୍ବାପକ ଦଳ ନିଆଁକୁ ନିୟନ୍ତ୍ରଣ କରିନେଇଥିବା ଜଣାପଡ଼ିଛି।