ବଡ଼ ଖୁଲାସା : ବାଦଲ ବା ବର୍ଷା ନୁହେଁ, ଏହା ଥିଲା ଏୟାରଷ୍ଟ୍ରାଇକ୍ ପାଇଁ ବଡ଼ ବିପଦ
ନୂଆଦିଲ୍ଲୀ : ରବିବାର ନିଉଜ୍ ନେଶନକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଇଥିବା ସାକ୍ଷାତକାରକୁ ନେଇ ଏବେ ଆଲୋଚନା ଆରମ୍ଭ ହୋଇ ଯାଇଛି । ମେଘୁଆ ପାଗ ଏବଂ ଏୟାର ଷ୍ଟ୍ରୋଇକ୍କୁ ନେଇ ମୋଦୀଜୀ ଯେଉଁ ବୟାନ ଦେଇଥିଲେ, ତାହା ତାଙ୍କୁ ସମାଲୋଚନର ଶିକାର କରିଥିଲା । ତେବେ ଏ ନେଇ ଲୋକେ ଭିନ୍ନ ଭିନ୍ନ ପ୍ରକାରର ଆଲୋଚନା କରୁଥିବା ବେଳେ ଏକ ବଡ଼ ଖବର ସାମ୍ନାକୁ ଆସିଛି । ବାଲାକୋଟ ଏୟାର ଷ୍ଟ୍ରାଇକ୍ ସହ ଜଡ଼ିତ ଥିବା ସୂତ୍ର ଅନୁଯାୟୀ, ଏୟାର ଷ୍ଟ୍ରାଇକ୍ କରିବା ଯୋଜନା ବିଷୟରେ କାହାକୁ ଜଣା ନ ଥିଲା । ସେଥିପାଇଁ ଯୋଜନାରେ କୌଣସି ପରିବର୍ତ୍ତନ ବା ଏହାକୁ ବାତିଲ କରାଯିବା ସମ୍ଭବ ନଥିଲା । କେହି ଯେମିତି ଏ ବିଷୟରେ ନ ଜାଣି ପାରନ୍ତି ବା ପାକିସ୍ତାନକୁ ଯେମିତି ଏ ନେଇ ସୂଚନା ନ ମିଳେ ତାହା ଭାରତ ପାଇଁ ବଡ଼ ବିପଦ ଥିଲା । ସେଥିପାଇଁ ଏୟାର ଷ୍ଟ୍ରାଇକ୍କୁ ଧାର୍ଯ୍ୟ ସମୟରେ ହିଁ କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ମୋଦୀଙ୍କ ବୟାନ ଉପରେ ପ୍ରତିକ୍ରିୟା ରଖି ଜନୈକ ବରିଷ୍ଠ ସେନା ଅଧିକାରୀ କହିଛନ୍ତି, ଏୟାର ଷ୍ଟ୍ରାଇକ୍ର କିଛି ଦିନ ପୂର୍ବରୁ ମେଘୁଆ ପାଗ କଥା ଉଠିଥିଲା । ଏଥି ପାଇଁ ଏକ୍ସପର୍ଟସମାନେ ଦିନ ବଦଳାଇବାକୁ ମଧ୍ୟ କହିଥିଲେ । କିନ୍ତୁ ଆକ୍ରମଣ ଯୋଜନା ଗୁପ୍ତ ରଖିବା ପାଇଁ ଏହାର ଦିନ ବଦଳା ଯାଇ ନ ଥିଲା ।