ଭବାନୀପୁର ଉପନିର୍ବାଚନ ନିମନ୍ତେ କଠୋର ହେଲା ସୁରକ୍ଷା ବ୍ୟବସ୍ଥା; ମୁତୟନ ହେବେ ଅତିରିକ୍ତ ୨୦ କମ୍ପାନି ‘ସିଏପିଏଫ୍’
ଭବାନୀପୁର: ଗୁରୁବାର ଦିନ ହେବାକୁ ଥିବା ପଶ୍ଚିମବଙ୍ଗ ବିଧାନସଭା ଅନ୍ତର୍ଗତ ଭବାନୀପୁର ନିର୍ବାଚନ ମଣ୍ଡଳୀର ଉପନିର୍ବାଚନ ଆଗରୁ ସେଠାରେ ଅତିରକ୍ତ ୨୦ କମ୍ପାନି ‘ସେଣ୍ଟ୍ରାଲ୍ ଆର୍ମଡ୍ ପୋଲିସ୍ ଫୋର୍ସେସ୍’ (ସିଏପିଏଫ୍) ମୁତୟନ କରାଯିବ।
Sambad is now on WhatsApp
Join and get latest news updates delivered to you via WhatsApp
ଅତି ଗୁରୁତ୍ବପୂର୍ଣ୍ଣ ଭବାନୀପୁର ଉପନିର୍ବାଚନରେ ‘ବିଜେପି’ର ପ୍ରିୟଙ୍କା ଟିବ୍ରେୱାଲ୍, ସିପିଆ(ଏମ୍)ର ଶ୍ରୀଜୀବ ବିଶ୍ବାସ ‘ତୃଣମୂଳ କଂଗ୍ରେସ’ର ମୁଖ୍ୟ ମମତା ବାନାର୍ଜୀଙ୍କ ସହ ପ୍ରତିଦ୍ବନ୍ଦ୍ବିତା କରୁଛନ୍ତି। ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ପଦବୀ ବଜାୟ ରଖିବା ନିମନ୍ତେ ଏହି ନିର୍ବାଚନ ଜିଣିବା ମମତାଙ୍କ ପାଇଁ ଅପରିହାର୍ଯ୍ୟ।
ଭବାନୀପୁର ବ୍ୟତିରେକେ, ଗୁରୁବାର ଦିନ ସାମଶେର୍ଗଞ୍ଜ ଏବଂ ଜଙ୍ଗିପୁର ନିର୍ବାଚନ ମଣ୍ଡଳୀରେ ମଧ୍ୟ ଉପନିର୍ବାଚନ କରାଯିବ। ‘ସିଏପିଏଫ୍’ ସମେତ ଉପରୋକ୍ତ ୩ ବିଧାନସଭା ଆସନ ନିମନ୍ତେ ହେଉଥିବା ଉପନିର୍ବାଚନରେ ଅନ୍ୟ ୫୨ କମ୍ପାନି କେନ୍ଦ୍ରୀୟ ବଳ ମୁତୟନ କରାଯାଉଛି। ସେମାନେ ହେଉଛନ୍ତି ‘ସିଆର୍ପିଏଫ୍’, ‘ବିଏସ୍ଏଫ୍’, ‘ଏସ୍ଏସ୍ବି, ସିଆଇଏସ୍ଏଫ୍’ ଓ ‘ଆଇଟିବିପି’ର ଯବାନ।
କୋଲ୍କାତା ପୁଲିସ ମତଦାନ କେନ୍ଦ୍ର ବାହାର ନିରାପତ୍ତା ଦାୟିତ୍ବରେ ରହୁଥିବା ବେଳେ କେନ୍ଦ୍ରୀୟ ବଳର ୩ ଯବାନଙ୍କର ଅର୍ଦ୍ଧେକ ‘ସେକ୍ସନ୍’କୁ ଭବାନୀପୁରର ୯୭ଟି ମତଦାନ କେନ୍ଦ୍ରର ୨୮୭ଟି ବୁଥ୍ ଭିତରେ ମୁତୟନ କରାଯିବ।
‘ଇଭିଏମ୍’ର ସୁରକ୍ଷା ନିମନ୍ତେ ସୁନିଶ୍ଚିତ ହେବାକୁ ତଥା ସେଗୁଡ଼ିକର ନିରାପଦ ପରିବହନ ଲାଗି ୧୪୧ଟି ସ୍ବତନ୍ତ୍ର ଗାଡ଼ି ବ୍ୟବସ୍ଥା କରାଯାଇଛି। ‘ଇଭିଏମ୍’ଗୁଡ଼ିକୁ ଗଚ୍ଛିତ ରଖିବା ଲାଗି ଲର୍ଡ ସିହ୍ନା ରୋଡ୍ସ୍ଥିତ ‘ସଖାୱତ୍ ମେମୋରିଆଲ୍ ଗଭର୍ଣ୍ଣମେଣ୍ଟ୍ ଗର୍ଲସ୍ ହାଇସ୍କୁଲ୍’ରେ ୨ଟି ‘ଷ୍ଟ୍ରଙ୍ଗ୍ ରୁମ୍’ ନିର୍ମାଣ କରାଯାଇଛି।
ସେପ୍ଟେମ୍ବର ୩୦ରେ ଉପନିର୍ବାଚନ ଶେଷ ହେବା ପର୍ଯ୍ୟନ୍ତ ନିର୍ବାଚନ କମିସନ୍ ମଙ୍ଗଳବାର ଦିନ ଭବାନୀପୁରରେ ୧୪୪ ଧାରା ଜାରି କରିଛି। ନିରପେକ୍ଷ ଭୋଟଦାନ ନିମନ୍ତେ କର୍ଫ୍ୟୁ ଏବଂ କେନ୍ଦ୍ରୀୟ ବଳ ମୁତୟନ କରିବା ଲାଗି ‘ବିଜେପି’ ନେତାମାନଙ୍କର ପ୍ରତିନିଧି ଦଳ ନିର୍ବାଚନ କମିସନ୍କୁ ଅନୁରୋଧ କରିବା ପରେ ଏ ଭଳି ନିଷ୍ପତ୍ତି ଗ୍ରହଣ କରାଯାଇଛି।