ଓଡ଼ିଆ ଶ୍ରମିକଙ୍କୁ ତାମିଲନାଡୁରେ ଗୋଡ଼ାଇ ଗୋଡ଼ାଇ ପିଟିଲେ କମ୍ପାନି ସୁରକ୍ଷାକର୍ମୀ
ଭୁବନେଶ୍ୱର: ତାମିଲନାଡୁରେ ଓଡ଼ିଆ ଶ୍ରମିକଙ୍କୁ ଗୋଡ଼ାଇ ଗୋଡ଼ାଇ କମ୍ପାନିର ସୁରକ୍ଷାକର୍ମୀ ପିଟିଛନ୍ତି। କରୋନା କଟକଣାରେ ଦିନେ କାମ କଲେ ଦିନେ କାମ ମିଳୁନାହିଁ କି ଠିକ୍ ଭାବେ ଖାଇବା ବି ମିଳୁନାହିଁ। ଖାଇବାକୁ ମାଗିଲେ କମ୍ପାନି କର୍ତ୍ତୃପକ୍ଷ ଓ ସିକ୍ୟୁରିଟି ଓଡ଼ିଆ ଶ୍ରମିକଙ୍କୁ ମାଡ଼ ମାରି ଲହୁ ଲୁହାଣ କରିଥିବା ଅଭିଯୋଗ ହୋଇଛି । କମ୍ପାନି ସୁରକ୍ଷାକର୍ମୀଙ୍କ ମାଡ଼ରେ ୪ ଜଣ ଝିଅ ଓ ୨ ଜଣ ପୁଅ ଗୁରୁତର ହୋଇଥିବା ଜଣାପଡ଼ିଛି। ଏପରିକି ଜଣେ ଭିନ୍ନକ୍ଷମ ଝିଅଙ୍କୁ ବି ମାଡ଼ ମାରିବାକୁ ପଛାଇ ନାହାନ୍ତି କମ୍ପାନି ସୁରକ୍ଷା କର୍ମୀ । କେବଳ ଏତିକି ନୁହେଁ, ମାଡ଼ରେ ଗୁରୁତର ହୋଇଥିବା ଶ୍ରମିକଙ୍କୁ ଡାକ୍ତରଖାନାକୁ ନ ନେଇ ଗୋଟିଏ ସ୍ଥାନରେ କମ୍ପାନି ବନ୍ଧକ ରଖିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ତାମିଲନାଡୁ ତିରିପୁର ଜିଲ୍ଲା ଉତୁକୁଡି ଅଞ୍ଚଳରେ ଥିବା ଆହିଲ ଆପ୍ପାରେଲ୍ ଏକ୍ସପୋର୍ଟ୍ସ ଲିମିଟେଡ ନାମକ ଏକ ଘରୋଇ କମ୍ପାନିରେ ପ୍ରାୟ ୧ ହଜାରରୁ ଅଧିକ ଓଡ଼ିଆ ଶ୍ରମିକ କାମ କରୁଛନ୍ତି । ୫ଶହ ଝିଅ ଓ ୬ଶହ ପୁଅ କମ୍ପାନି ମେସ୍ରେ ରହି କପଡା ସିଲାଇ କାମ କରୁଛନ୍ତି। ହେଲେ ତାଲା ବନ୍ଦ ଯୋଗୁଁ କମ୍ପାନିରେ କାମ ନ ଥିବାରୁ କମ୍ପାନି ଶ୍ରମିକଙ୍କୁ ଖାଇବାକୁ ଦେଉନାହିଁ । ସବୁଦିନ କେବଳ ଭାତ ଆଉ ରସମ ଦେଉଥିବାରୁ ଶ୍ରମିକମାନେ ଟିକେ ଭଲ ଖାଦ୍ୟ ମାଗିଥିଲେ। ଆଉ ଏଥିରେ ରାଗି ଯାଇ କମ୍ପାନି ପକ୍ଷରୁ ଓଡ଼ିଆ ଶ୍ରମିକଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି।