ବଢିବ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥା

ଲଖନଉ: ଉତ୍ତରପ୍ରଦେଶ ପୁଲିସ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସୁରକ୍ଷା ବ୍ୟବସ୍ଥାକୁ ଆହୁରି ମଜବୁତ କରିବାକୁ ଯାଉଛି। ଏଥିପାଇଁ ବିଭାଗ ୧ କୋଟିରୁ ଅଧିକ ମୂଲ୍ୟର ଅତ୍ୟାଧୁନିକ ଯନ୍ତ୍ରପାତି କିଣିବାକୁ ପ୍ରସ୍ତୁତ ହେଉଛି। ବିଭିନ୍ନ ଆତଙ୍କବାଦୀ ଗୋଷ୍ଠୀ ସମେତ ବିଭିନ୍ନ ଜାତୀୟ ବିରୋଧୀ ବାହିନୀର ସମ୍ଭାବ୍ୟ ବିପଦକୁ ଦୃଷ୍ଟିରେ ରଖି ବିଭାଗ ପ୍ରତ୍ୟେକ ସ୍ତରରେ ମୁଖ୍ୟମନ୍ତ୍ରୀଙ୍କ ସୁରକ୍ଷା କଭରକୁ ନିରନ୍ତର ଭାବେ ଦୃଢ କରିଥାଏ। ମୁଖ୍ୟମନ୍ତ୍ରୀ ଯୋଗୀଙ୍କୁ ଜେଡ ପ୍ଲସ ସୁରକ୍ଷା ଯୋଗାଇ ଦିଆଯାଇଥିବାବେଳେ ତାଙ୍କର ସୁରକ୍ଷା ପାଇଁ ଏନଏସଜି କମାଣ୍ଡୋ ଅଛନ୍ତି | ଏଥି ସହିତ ଯୋଗୀଙ୍କ ସୁରକ୍ଷା ପାଇଁ ରାଜ୍ୟ ପୁଲିସର ସ୍ୱତନ୍ତ୍ର ସ୍କ୍ୱାର୍ଡ ମଧ୍ୟ ନିୟୋଜିତ ହୋଇଥାନ୍ତି |

ତେବେ ବିଭିନ୍ନ ଗସ୍ତ ସମୟରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସୁରକ୍ଷା ସ୍ତରକୁ ଆହୁରି ମଜବୁତ କରିବାକୁ ପୁଲିସ ବିଭାଗ ପ୍ରସ୍ତୁତି ଚଳାଇଛି। ଏଥିରେ ଡ୍ରୋନ୍, ଶରୀରରେ ପିନ୍ଧିହେଉଥିବା କ୍ୟାମେରା, ଡ୍ରେସ୍ କମ ଏବଂ ନାଇଟ୍ ଭିଜନର ଅତିରିକ୍ତ ସାମଗ୍ରୀ ମଧ୍ୟ ମୁଖ୍ୟମନ୍ତ୍ରୀଙ୍କର ସୁରକ୍ଷା ବ୍ୟବସ୍ଥାରେ ବ୍ୟବହାର କରାଯିବ | ମୁଖ୍ୟମନ୍ତ୍ରୀଙ୍କ ସହ ରାଜ୍ୟପାଳଙ୍କ ସୁରକ୍ଷାକୁ ମଧ୍ୟ ମଜବୁତ କରିବାକୁ ପଡିବ। ଏହି ପରିପ୍ରେକ୍ଷୀରେ, ସରକାର ଏଡିଜି ମୁଖ୍ୟାଳୟକୁ ଦେଇଥିବା ଚିଠିରେ ସ୍ପଷ୍ଟ କରାଯାଇଛି ଯେ ରାଜ୍ୟପାଳ, ମୁଖ୍ୟମନ୍ତ୍ରୀ ତଥା ଅନ୍ୟାନ୍ୟ ଭିଭିଆଇପି, ରାଲି, ଧାର୍ମିକ ସ୍ଥାନ, କୁମ୍ଭ ମେଳା ସମେତ ଗୁରୁତ୍ୱପୂର୍ଣ୍ଣ ପ୍ରତିଷ୍ଠାନ ଗସ୍ତକୁ ଦୃଷ୍ଟିରେ ରଖି ଏହା କିଣାଯିବ | ଏଥିପାଇଁ ୧ କୋଟି ୨ ଲକ୍ଷ ୨୦ ହଜାର ଟଙ୍କା ମୂଲ୍ୟର ଉପକରଣ କିଣାଯିବ | ଏଥିମଧ୍ୟରେ ତିନୋଟି ଅତ୍ୟାଧୁନିକ ଡ୍ରୋନ୍ କ୍ୟାମେରା ଯାହାର ମୂଲ୍ୟ ୪୨ ଲକ୍ଷ ଟଙ୍କା ରହିଛି। ଏହା ବ୍ୟତୀତ ୫୦ଟି ଶରୀରରେ ପିନ୍ଧିହେଉଥିବା କ୍ୟାମେରା(୨୫ ଲକ୍ଷ ଟଙ୍କା) | ୪ଟି ନାଇଟ୍ ଭିଜନ(୨୮ ଲକ୍ଷ ୪୦ ହଜାର ଟଙ୍କା) ବୋଲି ଆକଳନ କରାଯାଇଛି।

ସମ୍ବନ୍ଧିତ ଖବର