ଭାରତର ଉନ୍ନତି ଗୋରା ଲୋକେ ସହିପାରୁନାହାନ୍ତି : ବୀରେନ୍ଦ୍ର ସେହଓ୍ବାଗ୍
ନୂଆଦିଲ୍ଲୀ : ଆଦାନୀ ଗ୍ରୁପ ପ୍ରସଙ୍ଗରେ ଏକ ମନ୍ତବ୍ୟ ଦେଇ ବିବାଦରେ ଫସିଯାଇଛନ୍ତି କ୍ରିକେଟ ଖେଳାଳି ବୀରେନ୍ଦ୍ର ସେହଓ୍ବାଗ୍ । ଆଦାନୀ ଗ୍ରୁପ ବିରୋଧରେ ଜାଲିଆତି ଅଭିଯୋଗ ଆଣିଥିବା ହିଣ୍ଡନବର୍ଗକୁ ସେ ଟାର୍ଗେଟ କରି ଟୁଇଟରରେ ଲେଖିଛନ୍ତି ଯେ ଗୋରା ଲୋକେ ଭାରତର ଉନ୍ନତି ସହିପାରନ୍ତି ନାହିଁ ।
Sambad is now on WhatsApp
Join and get latest news updates delivered to you via WhatsApp
ସେହୱାଗ ସୋମବାର ଏକ ଟ୍ୱିଟ୍ ପୋଷ୍ଟ କରିଛନ୍ତି ଯେଉଁଥିରେ ସେ ହିଣ୍ଡେନବର୍ଗ ରିପୋର୍ଟକୁ ଉଲ୍ଲେଖ ନକରି ଲେଖିଛନ୍ତି ଯେ ଗୋରାମାନେ ଭାରତର ପ୍ରଗତିକୁ ବରଦାସ୍ତ କରନ୍ତି ନାହିଁ। ଭାରତୀୟ ବଜାରର ବର୍ତ୍ତମାନର ସ୍ଥିତି ଏକ ସୁଚିନ୍ତିତ ଷଡଯନ୍ତ୍ରର ଏକ ଅଂଶ ବୋଲି ମନେହେଉଛି । ଆପଣ ଯେତେ ଚେଷ୍ଟା କରନ୍ତୁ ନା କାହିଁକି, ସବୁଥର ପରି ଭାରତ ଅଧିକ ଶକ୍ତିଶାଳୀ ହେବ ।
ସେହୱାଗ ପ୍ରାୟତଃ ତାଙ୍କ ସୋସିଆଲ ମିଡିଆ ପୋଷ୍ଟରେ ସାମ୍ପ୍ରତିକ ବ୍ୟାପାର ଉପରେ ନିଜର ମତ ନିର୍ଭିକ ଭାବେ ପ୍ରକାଶ କରିଥାନ୍ତି । ଗତ ନଭେମ୍ବର ୨୦୧୬ ରେ, ସେ ୫୦୦ ଏବଂ ୧୦୦୦ ଟଙ୍କିଆ ନୋଟ୍ ବିମୁଦ୍ରୀକରଣକୁ ଏକ “ଭଲ ପଦକ୍ଷେପ” ବୋଲି କହିଥିଲେ।
ଏହା ପୂର୍ବରୁ ଆଦାନୀ ଗ୍ରୁପ ବି ଆର୍ଥିକ ଗବେଷଣା ସଂସ୍ଥା ହିଣ୍ଡେନବର୍ଗ ରିସର୍ଚ୍ଚ ଦ୍ୱାରା ଲଗାଯାଇଥିବା ଗମ୍ଭୀର ଅଭିଯୋଗକୁ “ଭାରତ, ଏହାର ଅନୁଷ୍ଠାନ ଏବଂ ଅଭିବୃଦ୍ଧି କାହାଣୀ ଉପରେ ଯୋଜନାବଦ୍ଧ ଆକ୍ରମଣ” ବୋଲି କହିଥିଲେ ଏବଂ ଏହି ଅଭିଯୋଗ “ମିଥ୍ୟା ବ୍ୟତୀତ ଆଉ କିଛି ନୁହେଁ” ବୋଲି କହିଥିଲା ।