ନୂଆଦିଲ୍ଲୀ : ବାଂଲାଦେଶ ନିର୍ବାଚନରେ ପୁଣି ଥରେ ଶେଖ ହସିନା ନେତୃତ୍ୱାଧୀନ ଆଓ୍ଵାମୀ ଲିଗ୍ ବିଜୟୀ ହୋଇଛି । କ୍ରମାଗତ ୩ୟ ଥର ପାଇଁ ଶେଖ ହସିନା ବାଂଲାଦେଶର ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି । ତେବେ ତାଙ୍କର ଏହି ବିଜୟରେ ଭାରତ ସରକାର ମଧ୍ୟ ବେଶ ଖୁସି ଅଛନ୍ତି । ଏଥିପାଇଁ ପ୍ରଧାନମନ୍ତ୍ରୀ ମୋଦି ପ୍ରଥମ ବିଦେଶୀ ରାଷ୍ଟ୍ରମୁଖ୍ୟ ଭାବେ ହସିନାଙ୍କୁ ଅଭିନନ୍ଦନ ଜଣାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ହସିନାଙ୍କ ବିଜୟ ଦ୍ୱାରା ବାଂଲାଦେଶରେ ଗଣତନ୍ତ୍ର ମଝବୁତ ହେବା ସହ ଏହାର ଆହୁରି ବିକାଶ ହେବ ବୋଲି ମୋଦି ନିଜର ଶୁଭେଚ୍ଛା ବାର୍ତ୍ତାରେ କହିଛନ୍ତି । ବିଶେଷଜ୍ଞମାନଙ୍କ ମତରେ ବାଂଲାଦେଶରେ ହସିନାଙ୍କ ବିଜୟ ପରୋକ୍ଷରେ ଭାରତ ପାଇଁ ଏକ ବିଜୟ ଓ ଚୀନ-ପାକିସ୍ତାନ ପାଇଁ ପରାଜୟ କହିଲେ ଅତ୍ୟୁକ୍ତି ହେବ ନାହିଁ ।
କାରଣ ଶେଖ ହସିନା ଭାରତ ସପକ୍ଷବାଦୀ ହୋଇଥିବାବେଳେ ବିରୋଧୀ ଦଳ ନେତ୍ରୀ ତଥା ବିଏନପି ପାର୍ଟି ମୁଖ୍ୟ ବେଗମ ଖଲିଦା ଜିଆ ଚୀନ ଓ ପାକିସ୍ତାନ ସମର୍ଥକ ଅଟନ୍ତି । ନେପାଳ, ପାକିସ୍ତାନ ଓ ଶ୍ରୀଲଙ୍କା ପରି ବାଂଲାଦେଶକୁ ମଧ୍ୟ ଚୀନ ନିଜ ହାତମୁଠାରେ ରଖିବାକୁ ଚାହୁଁଛି । ଏଥିପାଇଁ ବିଭିନ୍ନ ପ୍ରକାରର ପ୍ରଲୋଭନ ଦେଖାଉଛି । କିନ୍ତୁ ବାଂଲାଦେଶରେ ଶେଖ ହସିନା ଓ ନୂଆଦିଲ୍ଲୀରେ ମୋଦି ସରକାର ଥିବା ପର୍ଯ୍ୟନ୍ତ ଚୀନର ଏହି ଉଦ୍ଦେଶ୍ୟ ସଫଳ ହୋଇପାରୁନାହିଁ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଶେଖ ହସିନା ଇସ୍ଲାମୀୟ କଠୋରପନ୍ଥୀ ଓ ପାକ-ସପକ୍ଷବାଦୀ ଆତଙ୍କବାଦୀଙ୍କୁ ଦମନ କରି ରଖିଛନ୍ତି ।