ଇନ୍ଦୋର: ମନ୍ତ୍ରୀଙ୍କ ସହ ସେଲ୍ଫି ଉଠାଇବାକୁ ଚାଁହୁଛନ୍ତି କି ? ସେଲ୍ଫି ଉଠାଇବା ପରେ ଏହାକୁ ସୋସିଆଲ ମିଡିଆରେ ପୋଷ୍ଟ କରିବାକୁ ଚାଁହୁଛନ୍ତି କି ? ଯଦି ହଁ, ତେବେ ଏଣିକି ଆପଣ ମାଗଣାରେ ସେଲ୍ଫି ଉଠାଇପାରିବେ ନାହିଁ | କାରଣ ମଧ୍ୟପ୍ରଦେଶର ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଉଷା ଠାକୁର ବର୍ତ୍ତମାନ ତାଙ୍କ ସହ ସେଲଫି ନେଉଥିବା ଲୋକଙ୍କ ଠାରୁ ପାର୍ଟି ଫଣ୍ଡରେ ୧୦୦ ଟଙ୍କା ଦେବାକୁ ଏକ ନିୟମ କରିଛନ୍ତି। ଉଷାଙ୍କ ସହ ସେଲଫି ନେବାକୁ ଚାଁହୁଥିଲେ, ପ୍ରଥମେ ଶହେ ଟଙ୍କା ତାଙ୍କ କୋଷାଧ୍ୟକ୍ଷଙ୍କ ନିକଟରେ ଜମା କରିବାକୁ ପଡିବ | ଆଉ ଏହା ପରେ ହିଁ ମନ୍ତ୍ରୀଙ୍କ ସହ ଫଟୋ ଉଠାଇବାକୁ ସମର୍ଥ ହେବେ | ତେବେ ସେଲ୍ଫିର ମୂଲ୍ୟ ୧୦୦ ଟଙ୍କା, ଖୋଦ ମନ୍ତ୍ରୀ ଉଷା ଠାକୁର ନିଜେ ସ୍ଥିର କରିଛନ୍ତି। ତେବେ ସେଲଫିରୁ ଦୂରେଇ ରହିବା ପାଇଁ ଏହା ମଧ୍ୟ ଏକ ଉପାୟ ଭାବରେ ଦେଖାଯାଉଛି |
Sambad is now on WhatsApp
Join and get latest news updates delivered to you via WhatsApp
କାରଣ ଯେତେବେଳେ ବି ଜଣେ ମନ୍ତ୍ରୀ ଏକ ଅଞ୍ଚଳକୁ ଯାଆନ୍ତି, ସେତେବେଳେ ଲୋକମାନେ ସେଠାରେ ଏକତ୍ରିତ ହୋଇ ମନ୍ତ୍ରୀଙ୍କ ସହ ସେଲଫି ନେବାକୁ ଚେଷ୍ଟା କରନ୍ତି | ଏହି ସମୟରେ ପୁଲିସଙ୍କ ପାଇଁ ଆଇନ ଶୃଙ୍ଖଳା ପରିସ୍ଥିତିକୁ ନିୟନ୍ତ୍ରଣ କରିବା ଅନେକ ଥର କଷ୍ଟସାଧ୍ୟ ହୋଇପଡିଥାଏ | କାରଣ ପ୍ରତ୍ୟେକ କର୍ମୀ ସୋସିଆଲ ମିଡିଆରେ ସେଲଫି ନେଇ ମନ୍ତ୍ରୀଙ୍କ ନିକଟତର ହୋଇଥିବାର ପ୍ରମାଣ ଦେବାକୁ ଚାହାଁନ୍ତି। ସେଥିପାଇଁ ମନ୍ତ୍ରୀ ନିଷ୍ପତ୍ତି ନେଇଛନ୍ତି ଯେ ଯିଏ ଶହେ ଟଙ୍କା ଦେବେ, ବର୍ତ୍ତମାନ କେବଳ ସେହି ବ୍ୟକ୍ତି ସେଲ୍ଫି ନେବାକୁ ସକ୍ଷମ ହେବେ |
ଏଭଳି ପରିସ୍ଥିତିରେ ଅନେକ ଲୋକ ଶହେ ଟଙ୍କା ଦେବାକୁ ଚାହିଁବେ ନାହିଁ ଏବଂ ସେଲଫି ନେଉଥିବା ଲୋକଙ୍କ ଭିଡ଼ ହ୍ରାସ ପାଇବ। ମନ୍ତ୍ରୀ ଉଷା ଠାକୁର କହିଛନ୍ତି ଯେ ସେଲଫି ନେବାରେ ବହୁତ ସମୟ ନଷ୍ଟ ହୋଇଯାଇଥାଏ | ବେଳେବେଳେ ସେଲଫି ଯୋଗୁଁ ବିଳମ୍ବ ହୋଇଯାଇଥାଏ | ତେଣୁ ସେଲଫି ନେବାକୁ ଚାହୁଁଥିବା ବ୍ୟକ୍ତି ୧୦୦ ଟଙ୍କା ଜମା କରି ସେଲ୍ଫି ନେଇପାରିବେ |