ଉତ୍ତରପ୍ରଦେଶ ସ୍କୁଲରେ ଲାଗୁ ହେଲା ନୂଆ ନିୟମ : ଉପସ୍ଥିତି ଜାହିର କରିବା ପାଇଁ ସକାଳ ୮ଟା ପୂର୍ବରୁ ସେଲ୍ଫି ନେଇ ଅପ୍ଲୋଡ୍ କରିବେ ଶିକ୍ଷକ-ଶିକ୍ଷୟିତ୍ରୀ
ଲକ୍ଷ୍ନୌ : ଉତ୍ତରପ୍ରଦେଶର ବାରବାଙ୍କୀ ଜିଲ୍ଲାରେ ଥିବା ସମସ୍ତ ସରକାରୀ ସ୍କୁଲରେ ଏବେ ନିଜର ଉପସ୍ଥିତି ଜାହିର କରିବା ପାଇଁ ସେଲ୍ଫିର ବ୍ୟବସ୍ଥା କରାଯାଇଥିବା ଜଣା ପଡ଼ିଛି । ଶିକ୍ଷକ-ଶିକ୍ଷୟିତ୍ରୀମାନେ ସକାଳ ୮ଟା ପୂର୍ବରୁ ସ୍କୁଲରେ ପହଞ୍ଚି ଶ୍ରେଣୀଗୃହ ଆଗରେ ସେଲ୍ଫି ନେବା ସହ ତାହାକୁ ବେଶିକ୍ ଶିକ୍ଷା ଅଧିକାରୀ େଓ୍ଵବ୍ପେଜ୍ରେ ଅପ୍ଲୋଡ କରିବେ । ପ୍ରତିଦିନ ସକାଳ ୮ଟାରେ ଏଭଳି କରିବାକୁ ପଡ଼ିବ । ଯଦି କେହି ସମୟ ଭିତରେ ସେଲ୍ଫି ଅପ୍ଲୋଡ୍ କରିବାରେ ବିଫଳ ହୁଏ, ତେବେ ସେମାନଙ୍କର ଗୋଟେ ଦିନର ଦରମା କାଟି ଦିଆଯିବ ।
Sambad is now on WhatsApp
Join and get latest news updates delivered to you via WhatsApp
ବେଶିକ୍ ଶିକ୍ଷା ଅଧିକାରୀ ବି.ପି.ସିଂହଙ୍କ କହିବା ଅନୁଯାୟୀ, ସେଲ୍ଫି ନେବା ଏବଂ ଏହାକୁ ଯାଞ୍ଚ କରିବାର ପୂରା ପ୍ରକ୍ରିୟା ମୁଖ୍ୟମନ୍ତ୍ରୀ ଏବଂ ବେଶିକ ଶିକ୍ଷାମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ ଏହାକୁ କଡ଼ା ଭାବରେ ଲାଗୁ କରାଯାଉଛି । ଗ୍ରୀଷ୍ମ ଛୁଟି ପୂର୍ବରୁ ମେ’ ମାସରେ ଏହି ନିୟମ ଲାଗୁ କରାଯାଇଥିଲା ବୋଲି ଜଣା ପଡ଼ିଛି । ନିୟମ ଲାଗୁ ହେବା ପରେ ପାଖା ପାଖି ୭୦୦ଶିକ୍ଷକ-ଶିକ୍ଷୟତ୍ରୀଙ୍କ ଗୋଟେ ଦିନର ଦରମା କାଟି ଦିଆଯାଇଥିବା ନେଇ ସୂଚନା ମିଳିଛି । ନିୟମଟି ସଠିକ ଭାବେ କାର୍ଯ୍ୟ କରିବା ପରେ ଏହାକୁ ଅନ୍ୟ ଜିଲ୍ଲାମାନଙ୍କରେ ଲାଗୁ ହେବ ବୋଲି ଶିକ୍ଷା ବିଭାଗ ପକ୍ଷରୁ କୁହାଯାଇଛି ।