ସମ୍ପର୍କ ରଖିବା ପରେ ୨୦ ଜଣ ନବବିବାହିତାଙ୍କୁ ହତ୍ୟା କରିଥିବା ସିରିୟଲ କିଲର ବାବଦରେ ଜାଣନ୍ତି କି ?
ବାଙ୍ଗାଲୋର: ଆପଣ ସିରିୟଲ କିଲରଙ୍କ ବାବଦରେ ଶୁଣିଥିବେ | କିନ୍ତୁ ଜାଣିଛନ୍ତି କି ଦକ୍ଷିଣ ଭାରତରେ ଏମିତି ଜଣେ ସିରିୟଲ କିଲର ଥିଲେ ଯେ କି ୨୦ ଜଣ ନବବିବାହିତାଙ୍କୁ ବିଷ ଦେଇ ମାରିଦେଇଥିଲେ | ସମ୍ପର୍କ ରଖିବା ପରେ ସାଇନାଇଡ଼ ଭଳି ମାରାତ୍ମକ ବିଷ ଦେଇ ହତ୍ୟା କରୁଥିବା ଏହି ହତ୍ୟାକାରୀକୁ ସାଇନାଇଡ଼ ମୋହନ ବୋଲି ସମସ୍ତେ ଜାଣିଥିଲେ | କିଏ ସେହି ସାଇନାଇଡ଼ ମୋହନ, ଜାଣନ୍ତୁ |
୨୦୦୩ ମସିହାରୁ ୨୦୦୯ ମସିହା ମଧ୍ୟରେ ଦକ୍ଷିଣ କର୍ଣ୍ଣାଟକର ୬ଟି ସହରର ବସଷ୍ଟାଣ୍ଡରେ ଥିବା ଶୌଚାଳୟରୁ ୨୦ ଜଣ ମହିଳାଙ୍କ ମୃତଦେହ ମିଳିଥିଲା | ଏହି ମୃତଦେହ ପଛରେ ଗୋଟିଏ କଥା ସମାନ ଥିଲା | ମହିଳାମାନଙ୍କ ବୟସ ୨୦-୩୨ ବର୍ଷ ଥିବାବେଳେ ସମସ୍ତେ ନବବଧୂ ଭଳି ଶାଢ଼ୀ ପିନ୍ଧିଥିଲେ କିନ୍ତୁ ଶରୀରରେ କୌଣସି ଗହଣା ନଥିଲା | ଅଲଗା ଅଲଗା ସହହରରେ ମୃତଦେହ ମିଳିଥିବାରୁ ପୁଲିସ ମଧ୍ୟ ଏହି ସିରିୟଲ ହତ୍ୟାକାଣ୍ଡ ବାବଦରେ ଜାଣିପାରିନଥିଲା | ତେବେ ୨୦୦୯ ମସିହାରେ ଅନିତା ନାମ୍ନୀ ଜଣେ ନବବିବାହିତାଙ୍କର ମୃତ ଦେହ ଶୌଚାଳୟରୁ ମିଳିବା ପରେ ପୁଲିସ ଯେତେବେଳେ ଗୁରୁତ୍ୱର ସହ ତଦନ୍ତ କରିଥିଲା ସେତେବେଳେ ଏହି ହତ୍ୟାକାଣ୍ଡରେ ପ୍ରଫେସର ମୋହନ କୁମାରଙ୍କର ହାତ ଥିବା ଜାଣିବାକୁ ପାଇଥିଲା |
Sambad is now on WhatsApp
Join and get latest news updates delivered to you via WhatsApp
ପୁଲିସ ମୋହନ କୁମାରଙ୍କୁ ହେପାଜତକୁ ନେଇ ଯେତେବେଳେ ପ୍ରଶ୍ନ କରିଥିଲା, ସେତେବେଳେ ମୋହନର ଉତ୍ତର ଶୁଣି ଖୋଦ ପୁଲିସ ବାବୁମାନଙ୍କର ହୋସ ଉଡିଯାଇଥିଲା | ମୋହନ କୁମାର କହିଥିଲା ଯେ ଯେଉଁ ଝିଅମାନେ ଆର୍ଥିକ ସ୍ତରରେ ଦୁର୍ବଳ ଥିଲେ ଓ ବିବାହ କରିପାରୁନଥିଲେ ସେମାନଙ୍କୁ ସେ ଟାର୍ଗେଟ କରୁଥିଲା | ଏହି ଝିଅମାନଙ୍କୁ ନିଜ ପ୍ରେମ ଜାଲରେ ଫସାଇ ବିନା ଯୌତୁକରେ ବିବାହ କରିବା କଥା କହୁଥିଲା | ବିବାହର ପ୍ରତିଶୃତି ଦେଇ ସେମାନଙ୍କ ସହ ସମ୍ପର୍କ ରଖୁଥିଲା ଓ ପରେ ବାହାନା କରି ବସଷ୍ଟାଣ୍ଡର ଶୌଚାଳୟ ନିକଟକୁ ନେଇଯାଉଥିଲା |
ସେଠାରେ ଗର୍ଭନିରୋଧକ ବଟିକା ଖାଇବାକୁ ଦେଉଥିଲା, ଯେଉଁଥିରେ ମୋହନ ସାଇନାଇଡ଼ ବିଷ ମିଶାଇ ଦେଉଥିଲା | ଏହା ପରେ ଯୁବତୀଙ୍କ ମୃତ୍ୟୁ ହେବା ପରେ ସେମାନଙ୍କ ଗହଣା ନେଇ ଫେରାର ହୋଇଯାଉଥିଲା | ବଡ କଥା ଯେ ପ୍ରତ୍ୟେକ ଝିଅଙ୍କୁ ମୋହନ କୁମାର ନିଜର ଭିନ୍ନ ଭିନ୍ନ ନାମ କହୁଥିଲା | ୧୨ଟି ନକଲି ନାମ କହିଥିବା ମୋହନକୁ ଗିରଫ କରାଯିବା ପରେ ୨୦୧୩ ମସିହାରେ ମାଙ୍ଗଲୋର ଫାଷ୍ଟଟ୍ରାକ କୋର୍ଟ ୨୦ ଜଣ ମହିଳାଙ୍କ ହତ୍ୟା ଅଭିଯୋଗରେ ଦୋଷୀ ମାନିଥିଲେ | ଏହା ପରେ ମୋହନଙ୍କୁ ଫାଶୀ ଦଣ୍ଡ ଶୁଣାଇଥିଲେ |